Shkarkimi i Kajmakut/ Rudina Hajdari: Duhen masa të rrepta për individët dhe partitë! E vetmja zgjidhje, ndryshimi i sistemit zgjedhor

Për kryetaren e grupit parlamentar demokrat Rudina Hajdari, shkarkimi i Agim Kajmakut tregon se sa i kalbur është sistemi ynë zgjedhor, ku njerëz me të kaluar kriminale vendosen nga kryetarët e partive duke cenuar proceset integruese. Hajdari shkruan se duhet të mbajnë përgjegjësi individët dhe partitë dhe e vetmja zgjidhje është ndryshimi i sistemit zgjedhor për të ndaluar krerët e partive të zgjedhin kë të duan.

"Rasti i dytë brenda pak muajve nga Partia Socialiste që na tregon se sa i kalbur është sistemi ynë zgjedhor, ku njerëz me të kaluar kriminale vendosen nga kryetarët e partive si kandidatë për zgjedhje dhe cenojnë proceset integruese dhe demokracinë në vend. Patjetër që jo vetëm duhen marrë masa të rrepta si për individët, por dhe për partitë pasi duhet të mbajnë ata përgjegjësi, mbi të gjitha. E vetmja zgjidhje është ndryshimi i sistemit zgjedhor dhe futja e një mentaliteti më të shëndoshë. Nuk mundet që kryetarët e partisë të zgjedhin kë të duan dhe të kenë në dorën fatet e çdo njërit duke mbytur fjalën e lirë e demokracinë brenda partive të tyre, por dhe të tallen sa vjen e më shumë me fatin e vendit", shkuan Hajdari.

Lajmi kryesor:

Shkarkimi i kryebashkiakut të Vorës/ Basha: Kajmaku, fytyra e Ramës! Hajdari: Duhet të ndryshojë sistemi zgjedhor (VIDEO)

TAG:
• lulzim basha
• PD
• Agim Kajmaku