Fier/ Një makinë dyshohet se ka rënë në lumin Seman, shoferit i del celulari i fikur! Ndërpriten kërkimet, palombarët s'gjejnë asnjë shenjë të mjetit (VIDEO)

FIER- Parmakët e hekurt të urës së Mbrostarit në Fier u shkatërruan gjatë natës, një pjesë e të cilëve përfunduan në ujë. Ngjarja ndodhi rreth orës 04:00 të mëngjesit të së dielës, teksa mbetet e paqartë nëse makina që është përplasur në të, ka përfunduar në lumë apo është larguar pas përplasjes.

Në vendngjarje, për të nisur kërkimin e të riut që lëvizte me makinë dhe dyshohet se ka goditur parmakët, mbërritën polumbarët e RENEA-s nga Tirana. Pas kontrolleve për disa orë, forcat speciale nuk gjetën asnjë shenjë të automjetit, ndërsa tashmë janë ndërprerë kërkimet.

Kontrolli ishte i RENEA-s u bë i vështirë për shkak të rrymave të forta të lumit Seman, të shoqëruara me thellësinë e madhe, i cili pengon në kërkime për gjurmë të automjetit. Për këtë arsye, në ndihmë të polumbarëve është sjellë një varkë, si edhe është kërkuar mbyllja e digës së Gramshit me qëllim që të bëhet e mundur ulja e nivelit të ujit.

Policia pranë vendit të ngjarjes gjeti një targë, e cila akoma nuk është sqaruar qartësisht nëse i përket drejtuesit të mjetit apo është rastësi. Nga verifikimi që është bërë përmes sistemit të targave rezultoi se ajo i përket një 26-vjeçari me inicialet M.L., banues i qytetit të Fierit.

Hetuesit që kanë zbritur në terren që prej orëve të para të mëngjesit kanë tentuar gjithë kohës për ta telefonuar, por celulari rezulton të jetë i fikur, duke shtuar më tej misterin mbi ngjarjen. Dyshimet se makina mund të ketë rënë në lumë shtohen edhe prej faktit se poshtë urës janë gjetur pjesë të përparme të makinës.

Rendit zhvillimet sipas orarit:

Të Fundit Të Parat

B.K./M.Q./Shqiptarja.com

TAG:
• aksident rrugor
• Fier