Shkatërrohet banda e drogës në Spanjë, arrestohen 5 shqiptarë dhe 1 i huaj! Transportonin hashash dhe marihuanë në Itali me kamionë (VIDEO)

Pesë shqiptarë dhe një spanjoll janë arrestuar nga policia spanjolle, si anëtarë të një bande kriminale me qendër në Malaga dhe Granada, e cila ishte e dedikuar për mbledhjen e sasive të mëdha të hashashit dhe marihuanës, të cilat i dërgonin drejt Italisë me kamionë.

Ky grup ka transportuar hashash dhe marihuanë nga Spanja në Itali përmes kamionëve për një kohë të gjatë. Gjatë operacionit janë kontrolluar tre shtëpi dhe një depo industriale, ku dhe u sekuestruan 165 kilogramë marihuanë dhe 185 kilogramë hashash. 

Sipas "La Opinion DE MALAGA", nga policia janë sekuestruar gjithashtu dy pistoleta, një makinë e vjedhur, një kamion frigorifer me një rimorkio me frigorifer me fund të dyfishtë, një furgon dhe tre makina. 

Hetimet bënë të mundur gjithashtu edhe  zbulimin e dy ndërtesave të përdorura si bazë për mbledhjen e drogës. Katër nga të arrestuarit u kapën në flagrancë në magazinë, kur ata dyshohet se futën substanca narkotike në pjesën e poshtme të çatisë së një rimorkio. Më vonë, u arrestuan dy persona të tjerë, të cilët do të ishin në krye të ruajtjes së "foleve" të drogës.

Të arrestuarit akuzohen si të përfshirë në këtë organizatë kriminale, për trafik droge, ndër të tjera edhe për armëmbajtje pa leje.

TAG:
• trafik droge
• shqiptaret
• itali
• spanje
• droge
• Arrestime