TIRANË- Në një operacion të nisur prej vitit 2016 nga Policia e Milanos, koduar “Neikea” u shkatërrua një organizatë e trafikut të kokainës nga Shqipëria në Itali, me drejtues rrjeti italianë, por dhe shumë shqiptarë të përfshirë kryesisht si korrierë.
Në Tiranë dhe Laç u arrestuan mëngjesin e kësaj të marte dy persona, Bledar Coma alias Bledar Kurti, 40 vjeç nga Tirana dhe Enis Preçi alias Enis Uruçi nga Laçi, 27 vjeç. Ata do të ekstradohen në Itali, pasi është gjykata e Milanos që ka lëshuar 12 urdhër arreste për këtë rrjet të trafikut ndërkombëtar të drogës.
Në nëntor 2016, në të njëjtin operacion u arrestua në kufirin midis Francës dhe Italisë, korrieri shqiptar i drogës, si dhe u sekuestruan 8.6 kg kokainë.
Rrjeti drejtohej nga italiani Luca Guerra që merrej me shitjen e kokainës në Balsamo/Milano, i arrestuar në prill të vitit 2016. Me vënien e tij në pranga drejtimin e mori një tjetër italian, Giuseppe Sanfilipo. Por edhe ai u arrestua më qershor2016, pasi ka tentuar të vrasë një shqiptar me inicialet M. P.
Njoftimi i plotë i Policisë
Operacioni "NEIKEA" është zhvilluar në të njëjtën kohë në Itali dhe Shqipëri, nga Policia italiane dhe Policia shqiptare. Gjatë operacionit është shkatërruar një organizatë që merrej me trafikun e kokainës në Milano, Itali dhe në Shqipëri. Në Shqipëri operacioni u zhvillua nga FAST Albania, RENEA, Drejtoria Hetimore në Departamentin e Policisë Kriminale në Policinë e Shtetit, Drejtoritë Vendore të Policisë Tiranë e Lezhë dhe Komisariati i Policisë Kurbin, në koordinim me Interpol Tiranën, IP Romën dhe UCI Albania.
Gjatë operacionit janë arrestuar në Tiranë dhe në Laç, me qëllim ekstradimi në Itali, shtetasit: B. C. alias B. K., 40 vjeç, banues në Tiranë dhe E. P. alias E. U., 27 vjeç, banues në Laç. Mëngjesin e sotëm u përmbyll operacioni ndërkombëtar policor i koduar "NEIKEA", në kuadër të së cilit u ekzekutuan 12 urdhër-arreste të lëshuara nga Prokuroria pranë Gjykatës së Milanos/Itali, për shtetas italianë dhe shqiptarë të akuzuar për veprën penale “Organizatë kriminalë, më qëllim trafikun ndërkombëtar të drogës”.
Operacioni "NEIKEA" ka nisur që nga viti 2016 nga Policia e Milanos dhe kishte për qëllim goditjen e organizatës kriminale që drejtohej nga shtetasi italian Luca Guerra që merrej me shitjen e kokainës në Balsamo/Milano.
Shtetasi Luca Guerra është arrestuar më datë 01.04.2016 dhe drejtimin e organizatës kriminale e mori shtetasi Giuseppe Sanfilipo, i cili u arrestua më datë 25.06.2016, pasi ka tentuar të vrasë shtetasin shqiptar M. P. Në kuadër të këtij operacioni, më datë 13.11.2016 është arrestuar në kufirin midis Francës dhe Italisë, korrieri shqiptar i drogës, si dhe janë sekuestruar 8.6 kg kokainë.
Policia e Shtetit edhe gjatë këtij operacioni tregoi besueshmëri, profesionalizëm dhe vendosmëri për të luftuar përkrah partnerëve krimin e organizuar dhe siguron qytetarët se strukturat e Policisë së Shtetit në të gjithë vendin janë të angazhuara maksimalisht për të parandaluar dhe goditur paligjshmërinë, më qëllim krijimin e një ambienti sa më të sigurt dhe në këtë kudër fton qytetarët që të denoncojnë në numrin 112 dhe Komisariatin Dixhital, çdo paligjshmëri që ata konstatojnë, duke iu siguruar anonimat të plotë dhe reagim të menjëhershëm e të paanshëm.
Lajme të tjera
-
Hollandë/ Polica gjen 250 kg kokainë me vlerë 13 milionë euro brenda dy arkivoleve
17 Dhjetor, 14:23 -
Belgjikë/ Çmontohet organizata shqiptare e trafikut të kokainës drejt Anglisë! Mbi 30 kontrolle, disa të arrestuar dhe sekuestrime! Transportohej me furgonë mallrash
17 Dhjetor, 14:00 -
Austri/ Shqiptari arrestohet me 12 kg kokainë në makinë, droga me vlerë 1.2 milionë euro
17 Dhjetor, 11:27 -
Itali/ Shisnin 2 kg kokainë në muaj me fitim ditor 6 mijë euro, 6 persona të arrestuar! Shqiptari drejtonte organizatën, paga deri në 5 mijë euro
16 Dhjetor, 16:12 -
DEA i zbuloi nga aplikacioni 'Signal', kapen 46 kg kokainë në Greqi! 4 në pranga, mes tyre edhe një shqiptar (EMRI)
16 Dhjetor, 11:53 -
Itali/ Ishte pjesë e rrjetit të trafikut të kokainës, arrestohet dhe dëbohet nga vendi 30-vjeçari shqiptar
15 Dhjetor, 15:54 -
U kap me 1 kg kokainë në aeroport, ish-mbrojtësi i Kolumbisë dënohet me 8 vite burg
15 Dhjetor, 09:43 -
Itali/ Ndjekje si në filma, arrestohet çifti shqiptar në Rimini, droga e fshehur në paketa cigaresh! Dyshohen se janë pjesë e një rrjeti trafiku
13 Dhjetor, 15:22 -
Itali/ Kishte fshehur kokainën në tavanin e shtëpisë, arrestohet 25-vjeçari shqiptar
12 Dhjetor, 21:44 -
Masakra me 4 të vrarë/ RENEA mësyn Shkodrën, firmosen 5 urdhërarreste nga SPAK! Kontrolle në banesa! Safet Bajri merret në pyetje e lihet i lirë! Sekuestrohen armë e 5 mjete të blinduara
12 Dhjetor, 09:29 -
Itali/ Hyri ilegalisht dhe u përfshi në shpërndarjen e kokainës, arrestohet 32-vjeçari shqiptar
11 Dhjetor, 21:58 -
U kapën me 1 kg kokainë, Gjykata e Tiranës cakton masën 'arrest në burg' për Klajdi Serjanin dhe Euxhenjo Manushin! Shisnin doza të rinjve dhe personazheve të njohur
11 Dhjetor, 11:21
