POP 5

Lajmet më të lexuara të 5 minutave të fundit

Politikë

Shkelën kohën televizive, gjobiten 7 televizione! Kryebashkiaku Gledian Llatja referohet në KAS për gjobë

Favorizimi i siglës “Bashkë Fitojmë” në kohën televizive u bë shkak për gjobiten e disa operatorëve televizivë nga KQZ. Penaliteti më i madh u vendos për “Shijak TV”, ndërkohë në mbledhjen e radhës, Komisioni referoi në KAS për gjobë edhe Kryebashkiakun e Elbasanit, Gledian Llatja

Komisioni qendror zgjedhor penalizoi me gjoba mediat që kanë shkelur kohën televizive kushtuar subjekteve politike që garojnë për zgjedhjet e 14 majit. “Shijak Tv” është gjobitur me 40 000 lekë për shkak të tejkalimit të kohës së lejuar televizive për njërin nga subjektet zgjedhore.

Po ashtu KQZ, duke i’u referuar raportit të publikuar nga AMA, ka vendosur dhe gjobë 5 000 lekë për 6 televizione të tjera, të cilat janë vlerësuar në probleme me kohën televizive.

‘Masë administrative me gjobë për 5 mijë lekë për mediat, Skan Gold tv, Channel 7, Tv 1 channel, Claudiana, dhe Saranda tv. Urdhërohen të gjitha OSHMA të bëjnë kompensimin e kohës me edicionet informative për efekt balancimi. Për TV vijuese urdhërohet ndërprerja e transmetimit të reklamamve politike, jashtë orarit të lejuar bëhet fjalë për “Shijak Tv”, Fax News, Syri Tv, Klan Plus, Vizion Plus dhe TV Bulqiza. OSHMA-ve thirrje për respektimin e barazisë gjinore.- tha Celibashi.

KQZ vendosi të dërgojë në KAS për sanksionim me gjobë edhe dy kryetarë Bashkish, Gledian Llatjan e Elbasanit, ndaj të cilit ishin bërë katër denoncime dhe kryetarin e Bashkisë së Belshit, Arif Tafani.

KQZ vendosi të denoncojë në Prokurori subjektet vetëdeklaruese Dedë Pali, kandidat për anëtar i Këshillit Bashkiak i Partisë Konservatore në Tiranë, Erin Gjoni, kandidat për anëtar në këshillin bashkiak, i propozuar nga “Partia Social Demokrate” për Bashkinë Lezhë, Mark Nika, kandidat për anëtar në këshillin bashkiak, “Partia Bindja Demokratike” për Bashkinë Elbasan, Dejson Kuqja kandidat për anëtar në këshillin bashkiak, i propozuar nga subjekti zgjedhor “Partia Drejtësi Integrim dhe Unitet” për Bashkinë Shijak dhe Qazim Bici, kandidat për anëtar në këshillin bashkiak, i propozuar nga subjekti zgjedhor “Partia Drejtësi Integrim dhe Unitet” për Bashkinë Shijak.

Pas denoncimeve të reja të paraqitura, KQZ urdhëroi heqjen e posterave pa nënshkrime mbi përgjegjësinë e subjekteve politike si dhe mbylljen e zyrave elektorale në afërsi të qendrave të votimit.

M.Q./KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Krishtlindjet/ Shqiptarët për Report Tv: Gëzuar, mbarësi e harmoni për të gjithë

Krishtlindjet/ Shqiptarët për Report Tv: Gëzuar, mbarësi e harmoni për të gjithë

24 Dhjetor, 23:29