POP 5

Lajmet më të lexuara të 5 minutave të fundit

Ekonomi

Shkelje financiare në Ambasadën në
Turqi, Ministria: Në vitet 2013-2016

Abuzime me donacionet, me tenderat, blerje pa fatura tatimore. Janë këto disa prej shkeljeve ligjore të konstatuara nga një auditim i kryer nga Ministria e Financave në Ambasadën tonë në Turqi vitin e shkuar kur ambasador ishte Genci Muçaj  VIDEO
Abuzime me donacionet, me tenderat, blerje pa fatura tatimore. Janë këto disa prej shkeljeve ligjore të konstatuara nga një auditim i kryer nga Ministria e Financave në Ambasadën tonë në Turqi vitin e shkuar.

Report TV ka zbardhur konkluzionet e auditimit, të kryer për periudhën 2013-2016, periudhë gjatë së cilës ambasador ka qenë Genci Muçaj.

Sipas raportit të Ministrisë, Ambasada Shqiptare në Ankara nuk ka menaxhuar me përgjegjshmëri fondet nga sponsorizimet nga donatorë të ndryshëm për festën kombëtare dhe për Qendrën e Kulturës Shqiptare në Ankara për këto tre vite. Nuk janë zbatuar procedurat ligjore dhe nënligjore në fuqi në fushën e prokurimit publik për blerjet për mallra, shërbime apo punë të ndryshme. 

Pagesat janë kryer kryesisht me arkë dhe pjesërisht me bankë, ndërkohë që në mandat pagesat e arkës nuk ka nënshkruar personi që ka tërhequr paratë.

Aktivet e Ambasadës dhe të Qendrës së Kulturës Shqiptare nuk janë regjistruar në regjistrin kontabël të aktiveve që ka në administrim Ambasada si dhe nuk dokumentohet lëvizja e tyre.

Raporti zbulon se janë kryer blerje në Shqipëri pa fatura tatimore, me dëm ekonomik shumën 1,848.6 lira turke dhe 4,210 euro. Konstatohen gjithashtu mungesa të pajisjeve në Qendrën e Kulturës Shqiptare, me dëm ekonomik në shumën 1,170 lira turke.

Auditi i Ministrisë së Financave thekson se janë përdorur fondet e sponsorizimeve për nevoja të Ambasadës, jashtë destinacionit të sponsorizimeve dhe pa miratim të Ministrisë së Punëve të Jashtme. Grupi i inspektimit ka rekomanduar zhdëmtimin e shumave, si dhe ka vendosur 6 masa për subjektet e inspektuara.

Aktualisht Ambasador në Turqi është Gent Gazheli, i cili e mori detyrën vitin e shkuar nga Genci Mucaj.


raporti ambasada ne turqi
  Raporti pas auditimit të kryer nga Ministria e Financave në Ambasadën tonë në Turqi vitin e shkuar

Redaksia Online
Al.N/Shqiptarja.com

/Shqiptarja.com
  • Sondazhi i ditës: 16 Janar, 08:35

    Dhëndri i Trump investitor strategjik për resort në Sazan, si iu duket?

Lajme të tjera



×

Lajmi i fundit

Sondazhi/ Nëse votohet sot, PS merr më shumë se 50% të votave, mazhoranca më e pëlqyer në emigracion

Sondazhi/ Nëse votohet sot, PS merr më shumë se 50% të votave, mazhoranca më e pëlqyer në emigracion

16 Janar, 22:52