POP 5

Lajmet më të lexuara të 5 minutave të fundit

Kronikë

Shkëlzen Berisha thirret në gjykatë! Më 14 dhjetor djali i Sali Berishës dhe Aldo Bumçi dëshmitarë në gjyqin për masakrën e Gërdecit

Shkëlzen Berisha do të pyetet në gjyqin e Gërdecit për faksin e Aldo Bumçit ku është shënuar emri i tij në vitin 2007 duke i hapur rrugë ngritjes së fabrikës së demontimit. Më 14 dhjetor, djali i ish-kryeministrit do të përballet me gjykatën dhe SPAK-un edhe për telefonatën që dyshohet se ka pasur me Fatmir Mediun menjëherë pas shpërthimit në Gërdec. Seanca e kësaj të enjteje u shty me kërkesë të Fatmir Mediut i cili ndodhej në Parlament.

Shkëlzen Berisha do të përballet me Gjykatën e Posaçme dhe prokurorët e SPAK në seancën gjyqësore për tragjedinë e Gërdecit më 14 dhjetor. Thirrja e tij në të njëjtën seancë me Aldo Bumçin, lidhet me faksin që ky i fundit i ka dërguar Ministrit të Mbrojtjes së kohës Fatmir Mediu me shënimin “për Shkëlzen Berishën”, në pjesën e sipërme të dokumentit në krahun e majtë. Përveç këtij dokumenti, djali i ish-kryeministrit pritet të pyetet edhe për takime me ministrat e kohës në qeverinë Berisha dhe një telefonatë me Fatmir Mediun menjëherë pas shpërthimit në Gërdec.

Burime nga Gjykata e Posaçme, thanë se seanca e 14 dhjetorit, do të fillojë në orën 09.00 dhe do të vijojë me pyetjen e shtatë dëshmitarëve. Përveç Shkëlzen Berishës dhe ish-ministrit të drejtësisë Aldo Bumçi, para gjykatës do të dalin edhe 5 dëshmitarë të tjerë që ishin planifikuar për seancën e 7 dhjetorit. Plarent Ruka, Sokrat Papadhima, Liza Maksuti, Alma Zili e Anjola Agolli, pritet të japin shpjegime para gjykatës. Anjola Agolli është ish-sekretarja e ministrit të Drejtësisë Aldo Bumçi, e cila para prokurorëve ka pranuar se për çështjen Gërdeci janë nisur fakse nga Ministria e Drejtësisë për Ministrinë e Mbrojtjes nga zyra e Drejtorisë së Kodifikimit.

Faksi i vitit 2007 ku është shënuar emri i Shkëlzen Berishës, ishte dhënie mendimi aprovues nga Ministria e Drejtësisë, për projekt-vendimin e qeverisë të përgatitur nga Ministria e Mbrojtjes, për demontimin e municioneve në Gërdec. Më 26 janar 2023, Shkelzen Berisha dhe Aldo Bumçi, janë pyetur edhe gjatë hetimeve paraprake nga prokuroria, ndërsa në gjykatë ata mbyllin listën e parë prej 52 dëshmitarësh.

Në procesin për Gërdecin, pritet të pyeten më pas pjesa e dytë e listës, ku përfshihen ish-zyrtarë dhe ushtarakë të pandehur më parë për çështjen, përfshirë edhe ish-shefin e Shtabit Luan Hoxha, i cili ndodhet jashtë Shqipërisë që prej vitit 2012. Gjykata e Posaçme, shtyu të enjten zhvillimin e procesit me kërkesë të ish-ministrit të Mbrojtjes Fatmir Mediu, i cili një javë më parë, kishte njoftuar se duhej të ishte në parlament për miratimin e buxhetit. Të njëjtën kërkesë gjykatës ia përsëriti edhe avokati i Mediut, Henrik Ligori, i cili kërkoi që seanca të mos zhvillohet pa praninë e ish-zyrtarit të lartë, i pandehur për shpërdorim detyre”. 

S.G/SI.E./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Perëndimi: Vendimet e Parlamentit të Republikës Sërpska kërcënojnë rendin kushtetues të Bosnjës

Perëndimi: Vendimet e Parlamentit të Republikës Sërpska kërcënojnë rendin kushtetues të Bosnjës

25 Dhjetor, 15:03