Shkëputje e energjisë për shkak të reshjeve dhe erës, administratori i OSSH: Situata është stabilizuar vetëm 8 linja në Kukës e Korçë me probleme

Pas reshjeve të shumta dhe erërave të forta shumë zona në vend mbetën pa energji elektrike, kryesisht në zonat e thella malore. Administratori i OSSH Petraq Lika, tha në një lidhje skype për Report TV që aktualisht vetëm 8 linja janë të dëmtuara dhe po punohet për ti riparuar kryesisht në Korçë dhe në Kukës.

“Situata është e qetë në të gjitha drejtimet. Aktualisht 1200 linjat që ka në funksion operatori i shpërndarjes, vetëm 8 linja janë në riparim e sipër, problemet janë më shumë në Kukës dhe Korçës që janë zona problematike nga pikëpamja klimaterike”, u shpreh Lika.

Lika shtoi që për të rregulluar problemet e shkaktuara nga kushtet klimatike, janë angazhuar 2200 punonjës.

“Janë rreth 2200 punonjës të OSSH në të gjithë vendin që kontribuojnë në lokalizimin e defektit dhe zgjidhjen e problematikave”, pohon Lika.

Shkak për shkëputjen e energjisë në zonat malore, sipas administratorit të OSSH, është edhe fakti që 82% e rrjetit të shpërndarjes në Shqipëri është në vijë ajrore.

“Mos harrojmë që rrjeti i shpërndarjes është 82% në vijë ajrore dhe është i ekspozuar ndaj kushteve klimaterike, dhe kryesisht probleme ka në zonat e thella rurale”, sqaron administratori i OSSH.

Lika pati edhe një mesazh për qytetarët në prag të festave.

“Qytetarëve ju them se do të kenë energji elektrike pavarësisht ndërprerjeve apo kushteve të ndryshme klimaterike. Është detyrim i operatorit për ti shërbyer qytetarëve”, shtoi Lika.

I.K./KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si e vlerësoni vizitën e presidentit turk Erdogan në Shqipëri?



×

Lajmi i fundit

John

Çfarë e bëri Napoleon Bonapartin kaq të suksesshëm?