SHKODËR- Dy nxënës të shkollës së mesme industriale “Arben Broci” në qytetin e Shkodrës janë arrestuar këtë të martë. Kjo pasi dy adoleshentët me iniciale K. Gj. 15 vjeç dhe P. P. 16 vjeç kanë vjedhur dy lap-top të shkollës.
 
Sipas policisë, 15 vjeçari nga Lezha, konviktor në konviktin e “ Arben Brocit” ka vjedhur një lap-top të markës HP, me vlerë 20.000 lekë të reja. 

Ndërsa 16-vjeçari nga Puka, po ashtu konviktor në të njëjtin konvikt, ka vjedhur një lap-top të markës HP me vlerë 20.000 lekë të reja dhe e kishte shitur në vlerën 8.000 lekë të reja.

Redaksia Online
(u.s/shqiptarja.com)