Shkodër, ambasadori hungarez:
Hapni dosjet e regjimit komunist

Ambasadori i Hungarisë në vendin tonë, Antal Heizer ka deklaruar nga Shkodra se destinacioni i vetëm i Shqipërisë është BE dhe beson në integrimin e shpejtë të vendit.
 
Ai theksoi se të premten jepet edhe përgjigjja përfundimtare se çfarë do të ndodhë më tej me hapat e integrimit.
 
Diplomati hungarez ishte në Shkodër në inaugurimin e monumentit në kujtim të Revolucionit Hungarez anti-komunist të vitit 1956. 
 
Heizer ritheksoi se dosjet për krimet e regjimit komunist duhet të hapen edhe në Shqipëri, pavarësisht se një gjë e tillë nuk është aspak e lehtë, madje është shumë e vështirë, sepse ndërhyn politika.
 



dy.b/shqiptarja.com