POP 5

Lajmet më të lexuara të 5 minutave të fundit

Kultura

Shkodër, ekspozitë me foto të rralla të Kolë Idromenos! I përfshirë edhe libri për jetën e punën e piktorit të shquar

Një libër mbi jetën e tij dhe mbi 20 fotografi të rralla, dedikuar fotografit dhe piktorit të shquar shkodran Kolë Idromeno u ekspozuan për herë të parë me rastin e  110 vjetorit të Pavarësisë, në Muzeun Historik të Shkodrës.

“Dritëshkronja e Kolës”, është ekspozita me mbi 20 fotografi të rralla dedikuar figurës shumë dimensionale të arkitektit, fotografit dhe piktorit shkodran Kolë Idromeno ,që u çel në 110 vjetorin e Pavarësisë së Shqipërisë në Muzeun Historik të Shkodrës.

Ruajtur në arkivin e muzeut “Oso Kuka” fotografitë e shkrepura nga vetë artisti shkodran ekspozohen për herë të parë për publikun dhe i përkasin viteve 1900-1923.

“Me rastin e 110 vjetorit të ditës së Pavarësisë së Shqipërisë Muzeu Historik Shkodër, sjellim një figurë siç është Kolë Idromeno, një figurë e një artisti të madhe një shkodrani e një patrioti të madh. Sjellim një ekspozitë me fotografi “Dritëshkronja e Kolës” më shumë se 20 fotografi që nuk janë parë kurrë dhe publiku nuk i njeh, U desh shumë punë për të sjellë këtë ekspozitë”, tha Amila Gjyrezi. 

Për kuratorin e ekspozitës Emanuel Palushaj projekti ka nisur 3 vite më parë por ajo që ka qenë e vështirë është zbulimi i autorësisë së fotogravive që ruheshin në arkivin e muzeut.

“Kjo ekspozitë nisi si mendim në fakt që në vitin 2019. Gjatë kërkimit ne arkivine  muzeut kishim disa negative që në atë momënt nuk ksihim një autorësi. E vetmja indicie që unë pata në fillim është se shoqëruar bashkë me to ishte vetëm një foto e printuar me logon dhe vulën e Kolë Idromenos”, tha Emanuel Palushaj, kurator i ekspozitës.

Veç ekspozitës fotografike u promovua dhe libri "Kolë Idromeno, themeluesi i artit realist shqiptar" i studiueses së artit Eleni Laperi.

“Kur del një fakt i ri ndryshon dhe historia. Për Kolë Idromenën kam gjetur gjëra të reja që nuk janë thënë deri tani, interpretime të reja për veprat e tij, për rëndësinë që kanë këto vepra për artin dhe kulturën tonë”, tha Eleni Laperi, studiuese e Artit.

Nikoll Idromeno është piktori dhe artisti rilindas që me artin e tij unik hodhi bazat e para të artit pamor shqiptar. Ai lindi në 15 Gusht 1860 dhe ndërroi jetë në dhjetor të 1939 në qytetin e tij të lindjes në Shkodër.

/KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    26 Dhjetor, 08:05

    Si ka qenë për ju viti 2024?

Lajme të tjera



×

Lajmi i fundit

Vendimet e Qeverisë/ Vlerësohen me pension të posaçëm shtetëror 15 personalitete nga fusha e artit, kulturës, muzikës dhe sportit! Ja sa do marrin dhe EMRAT

Vendimet e Qeverisë/ Vlerësohen me pension të posaçëm shtetëror 15 personalitete nga fusha e artit, kulturës, muzikës dhe sportit! Ja sa do marrin dhe EMRAT

26 Dhjetor, 21:56