VIDEO/ Shkodër, 48 vjeçari hedh pistoletën në lulishte e tenton t’i ikë policisë

Helidon Marku është arrestuar nga policia në Shkodër, pasi është kapur me armë pa leje.

48-vjeçari sapo ka parë policinë, ka zbritur nga makina dhe është përpjekur që të largohet, ndërsa ka tentuar që të fshehë armën e zjarrit që mbante me vete.

Por është kapur nga forcat e policisë dhe është arrestuar në flagrancë. Arma e zjarrit pistoletë me municion luftarak dhe automjeti tip “BMË” që drejtonte ky shtetas, u sekuestruan në cilësinë e provës materiale.  

‘Si rezultat i administrimit të menjëhershëm të inteligjencës policore, se një shtetas mbante armë zjarri, pa leje, shërbimet e Komisariatit të Policisë Shkodër kanë organizuar punën në kuadër të operacionit “Sundimi i ligjit” dhe kanë ndërhyrë menjëherë për arrestimin e këtij shtetasi. 

Në bulevardin “Skënderbeu” është lokalizuar automjeti me drejtues shtetasin H. M., i cili sapo ka parë shërbimet e Policisë, ka dalë nga automjeti dhe është larguar afër një lulishteje ku ka tentuar të fshehë armën e zjarrit që mbante me vete. Si rezultat i veprimeve të shpejta policore është kapur shtetasi H. M., 48 vjeç, banues në lagjen “Ndoc Mazi”, i cili në përfundim të veprimeve procedurale u arrestua në flagrancë.    Arma e zjarrit pistoletë me municion luftarak dhe automjeti tip “BMW” që drejtonte ky shtetas, u sekuestruan në cilësinë e provës materiale.  

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Shkodër, për veprime të mëtejshme.’- njofton policia.

M.Q./Shqiptarja.com

TAG:
• helidon marku
• Shkoder