Shkodër, kapen 4.5 kg heroinë e
fshehur në gomën e makinës

Policia Kufitare e Shkodrës ka sekuestruar 4 kilogramë e 476 gramë heronië  gjatë një kontrolli në një automjet. Bëhet me dije se është arrestuar 57- vjeçari Petraq Greku, banues në Tiranë, i ciliishte drejtuesi i automjetit tip "Renault", ku ishte fshehur edhe sasia e heroinës në disqet e saj.

Sipas burimeve zyrtare nga Policia e Shkodrës, 57- vjeçari po udhëtonte drejt Malit ta Zi dhe si destinacion përfundimtar kishte Italinë. 

Njoftimi i policisë

Policia Kufitare e Muriqanit sekuestron 4 kilogramë e 476 gramë heroinë, arreston trafikantin e dyshuar

Shërbimet e Policisë Kufitare në vijim të punës për parandalimin dhe goditjen e trafikimit të lëndëve të forta narkotik, kanë ushtruar kontroll të detajuar në mjete në pikën dalëse drejt Malit të Zi.

Në vijën e dytë të kontrollit, në automjetin tip “Renault” me targë AA 320 LY, me drejtues shtetasin Petraq Greku u konstatua se në gomat e makinës, në brendësi të disqeve ishte fshehur lëndë narkotike.

Ajo rezultoi 4 kilogramë e 476. 6 gramë heroinë, sasia më e madhe e këtij lloji e kapur këtë vit nga Policia Shqiptare.

Specialistët për Hetimin e Narkotikëve arrestuan në flagrancë shtetasin Petraq Greku, 57 vjeç, banues në Tiranë i cili udhëtonte drejt Italisë.

Materialet i kaluan Prokurorisë për Krime të Rënda Tiranë, për veprën penale “Trafikimi i narkotikëve”.

(Vendi ku ishte fshehur heroina)

Redaksia Online
D.T/Shqiptarja.com

/Shqiptarja.com