MALËSI E MADHE- Një aksident tragjik është regjistruar mesditen e kësaj të mërkure, ku një grua ka humbur jetën e ndërsa bashkëshorti i saj, i cili drejtonte mjetin është plagosur.
Ngjarja ka ndodhur në aksin rrugor Koplik – Dedaj, në vendin e quajtur “Ura e “Zhajës, fshati Zagorë, Malësi e Madhe dhe shkak i aksidentit është bërë humbja e kontrollit të mjetit nga ana e drejtuesit, i identifikuar si Gjergj Durgaj.
Viktima Gjystina Durgaj ka humbur jetën në vendin e aksidentit,e ndërsa 65-vjeçari është dërguar në spital dhe nuk dihet ende gjendja e tij shëndetësore.