Shkodër,pengmarrje për borxhet
policia tenton ta fshehë ngjarjen

VELIPOJE-Një 31-vjeçar nga Malësia e Madhe është marrë peng mbrëmjen e djeshme nga një mirditor në Velipojë për një borxh të vjetër, ndërsa pas 12 orëve të dy janë shoqëruar.
 
Sipas të dhënave të para nga policia e Shkodrës, bazuar te denoncimi i familjarëve te 31-vjeçarit nga Malësia e Madhe, Dedë Gjikolaj nga Mirdita ka marrë peng shokun e tij Pjetër Narka për shkak të një borxhi të pakthyer, 3-4 mijë euro.

Borxhi 4 mijë Euro, shoqërohen autori dhe pengu
Takimi që kishin lënë në Velipojë për t’u sqaruar agravoi dhe dy personat u konfliktuan, ndërsa Dedë Gjikolaj e ka futur në bagazhin e makinës tip "Smart" me targa AA 681 BF me forcë duke e rrëmbyer borxhliun.
 
Dedë Gjikolaj është larguar më pas me shpejtësi duke thyer edhe postbllokun e policisë, por arratia nuk ka zgjatur më shumë se 12 orë dhe të dy janë shoqëruar për të sqaruar rrethanat e ngjarjes.
 
Policia e Shkodrës tentoi të fshehë ngjarjen
Dedë Gjikolaj mësohet se është nipi i oficerit të policisë në Shkodër Armir Gjikolaj. Në kuadër të kësaj policia e Shkodrës tentoi të fshehë të vërtetën e kësaj ngjarje në lidhje me pengmarrjen, duke thënë se Dedë Gjikolaj së bashku me borxhliun, Pjetër Narkaj kanë qenë duke pirë dhe në dehje e sipër, Gjikolaj e ka marrë në shtëpi, jashtë dëshirës, por jo peng. 

dy.b/shqiptarja.com