POP 5

Lajmet më të lexuara të 5 minutave të fundit

Kronikë

Shkodër/ Po transportonin 900 fidanë kanabis për t'i kultivuar, 4 në pranga

Katër të rinj janë vënë në pranga të policisë së Shkodrës pasi janë kapur duke transportuar 900 fidanë kanabis me qëllim kultivimin e tyre

SHKODËR- Katër të rinj janë vënë në pranga të policisë së Shkodrës pasi janë kapur duke transportuar 900 fidanë kanabis me qëllim kultivimin e tyre.

Policia fillimisht vuri në pranga 24-vjeçarin N.N, i cili po drejtonte një furgon, ku u gjetën rreth 900 kubikë dhe vazo me fidanë kanabisi.

Më pas u arrestuar tre të rinjtë e tjerë, vëllai i 24-vjeçarit N.N, 26 vjeç, të dy banues në fshatin Postribë, si dhe shtetasit S.L., 21 vjeç dhe I.L., 30 vjeç, vëllezër, të dy banues në Shkodër.

Ata u kapën në flagrancë, teksa monitoronin me makinë, aksin rrugor ku kalonte furgoni, për të shmangur shërbimet e Policisë.

'Seksioni për Hetimin e Narkotikëve, në bashkëpunim me Seksionin e Qarkullimit Rrugor dhe me Forcën e Posaçme “Shqiponja”, të DVP Shkodër, të mbështetur në informacionet e siguruara nga inteligjenca policore, kapën në flagrancë dhe arrestuan shtetasit N.N., 24 vjeç dhe N.N., 26 vjeç, vëllezër, të dy banues në fshatin Postribë, si dhe shtetasit S.L., 21 vjeç dhe I.L., 30 vjeç, vëllezër, të dy banues në Shkodër.

Në furgonin që drejtonte 24-vjeçari u gjetën rreth 900 kubikë dhe vazo me fidanë cannabisi, të cilat po transportoheshin me qëllim kultivimin. 3 shtetasit e tjerë u kapën në flagrancë, teksa monitoronin me automjet, aksin rrugor ku kalonte furgoni, për të shmangur shërbimet e Policisë.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Shkodër, për veprime të mëtejshme.'- njofton policia.

M.Q./S.Ç/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Ja pse 'lirimi' i Sali Berishës i gëzoi të gjithë

Ja pse 'lirimi' i Sali Berishës i gëzoi të gjithë

27 Nëntor, 23:04 nga Flogert Muça