Shkodër, prodhonin dhe shisnin lëndë narkotike, arrestohet 24-vjeçari, shpallen në kërkim 2 bashkëpunëtorët

SHKODËR- Një tjetër rast i prodhimit të lëndëve narkotike është  goditur në qytetin e Shkodrës. Policia ka arrestuar një 24-vjeçar ndërsa ka shpallur në kërkim 2 bashkëpunëtorët e tij të cilët u larguan gjatë aksionit të Policisë.

Pas një hetimi disamujor policia ka konstatuar se këta 3 persona kishin mbjellë lëndë narkotike në një pyll në fshatin Lotaj. Burime për Report Tv bëjnë me dije se nga kontrolli i ushtruar Policia ka sekuestruar 220 bimë narkotike, një qese me marjuanë dhe tre celularë.

24 vjeçari i arrestuar është identifikuar si Florjan Gilaj i cili ishte banues në Grudë të Re, ndërsa 2 bashkëpunëtorët janë identifikuar me inicialet A. G. dhe K. B.

Ky grup e kishte shtrirë aktivitetin kriminal në disa vende të qarkut Shkodër. Mbi këta tre persona rendojnë akuzat “Prodhimi dhe shitja e narkotikëve”, “Kultivimi i bimëve narkotike” dhe “Pastrimi i produkteve të veprës penale” të kryera në bashkëpunim.

SI.E./KT/Shqiptarja.com
  • Sondazhi i ditës:

    A jeni dakord me propozimin për dozë të tretë vaksine për personat mbi 60 vjeç?

Komento


×

Lajmi i fundit

John

Ndalimi i shkollës për vajzat në Afganistan do të ishte joislamik, tha kryeministri pakistanez