POP 5

Lajmet më të lexuara të 5 minutave të fundit

Kronikë

Shkodër, sekuestrohen 19 makina
luksoze të vjedhura, pranga tregtarit

Bujar Hysa, një person që njihej në Shkodër si tregtar makinash është arrestuar, teksa është provuar implikimi i tij në një grup kriminal që trafikonte mjete motorike.  VIDEO  FOTO
Shkodër, sekuestrohen 19 makina<br />luksoze të vjedhura, pranga tregtarit
Bujar Hysa, një person që njihej në Shkodër si tregtar makinash është arrestuar, teksa është provuar implikimi i tij në një grup kriminal që trafikonte mjete motorike. Hysa, si kreu i këtij grupi kishte ngritur një “zinxhir kriminal” ku persona të ndryshëm vidhnin për llogari të tij automjete luksoze në vende të ndryshme të Bashkimit Europian dhe në vendet e Ballkanit, dhe më pas ia shisnin ato Hysës.

Ky i fundit në bashkëpunim dhe me një shtetas nga Mali i Zi,kishin ngritur në prapavijë dhe një industri të plotë falsifikimi, duke filluar nga falsifikimet me numrat e shashisë për mjetet luksoze të vjedhura, dokumentat e tyre e shumë, veprime të ndryshme. E gjithë procedura kryhej në servise të ndryshëm, kuptohet kundrejt një pagese financiare, ku numrat e shasive të makinave të ligjshme dhe të përdorura në vendet e Bashkimit Europian, injektoheshin duke u vendosur në numrat e shasive të makinave të vjedhura.

Më pas Bujar Hysa, tashmë i arrestuar dhe me 15 persona të tjerë, arrinte t’i fuste këto automjete nga pika e kalimit kufitar Hani i Hotit, duke përdorur si ndihmë disa punonjës të policisë pranë kësaj pike doganore. Më tej pasi makinat hynin në Shqipëri procedura shkonin zinxhir, duke filluar nga zhdoganimi i mjeteve, rregjistrimi i tyre në Drejtorinë e Qarkullimit Rrugor, e deri tek veprimet e Hysës me persona të tjerë, duke nënshkruar kontrata shitje noteriale, mbi bazën e dokumentave që kishte falsifikuar.

Operacioni “Lux” 11 të pranga 22 makina të sekuestruara
Prokuroria e Shkodrës ishte vënë në dijeni për veprimtarinë e këtij grupi, falë një informacioni të mbërritur nga zyra e Interpolit. Ky informacion është analizuar nga prokurori Anton Martini, i cili në bashkëpunim dhe me oficerë të policisë Shkodër, kanë nisur hetimet para disa muaj, duke bërë që dy ditë më parë të finalizojnë operacionin e koduar “Lux”, duke vënë në pranga 11 persona dhe shpallur në kërkim një shtetas malazes, i cili ishte drejtuesi tjetër i këtij grupi kriminal në Malin e Zi që trafikonte automjete.

Mësohet se në kërkim janë dhe katër persona të tjerë shqiptar, duke e çuar në 16 numrin e personave të përfshirë në këtë veprimtari kriminale. Ndërkohë në total janë sekuestruar 22 automjete luksose të tipave dhe modeleve të fundit si “Range Rover,Audi A6, BMË X5 -X6, Wolksvagen. Të gjitha këto automjete kanë hyrë nga pika e kalimit kufitar “Hani i Hotit” dhe janë shitur nga shtetasi Bujar Hasa tek persona të tjerë.

Punonjësit e policisë
Në një dalje publike para mediave prokurori Anton Martini bëri me dije se hetimet vijojnë dhe do të shtrihen deri edhe tek punonjësit e pikës së kalimit kufitar të Hanit të Hotit, si dhe atyre të drejtorive të shfrytëzimit të automjeteve, që i kanë pajisur me dokumenta. Pista e hetimit do të shtrihet madje deri edhe në shtetet e rajonit dhe ato të Bashkimit Europian ku ky grup ka operuar. Automjetet e sekuestruara mësohet se në treg ishin shitur edhe në disa duar radhazi, ku vlera e tyre e shitjes sipas hetimeve në shumë raste ishte qesharake dhe larg vlerës reale të tregut. Tashmë të gjitha këto makina ndodhen të sekuestruara në drejtorinë e policisë qarku Shkodër dhe skema e hetimeve do të vijojë për të mësuar edhe bashkëpunëtorët e tjerë.
 
Nga Krimet e Rënda në Shkodër Anton Martini, prokurori i “hekurt” që si ndahet bandave
Prokurori Anton Martini ka vetëm 3 muaj që është transferuar në Shkodër si prokuror i thjeshtë. Martini ka shërbyer prej shumë vitesh, pranë prokurorisë së Krimeve të Rënda, duke hetuar një sërë grupesh kriminale dhe persona me mbështeje politike dhe kriminale. Prokurori i “hekurt” siç e quan media, njihet për  këmbënguljen e tij në procesin e hetimit dhe gjykimit gjatë administrimit të provave dhe analizimit të tyre. Martini, ka përballuar dosje të rëndësishme si “Banda e Durrësit”, “banda e Lushnjës”, “banda e Niklës”, “Banda e Cërrikut”,bandën e Lazaratit,grupin e Gëzim Çelës,grupin “Hijet e Natës” që grabisnin Kasaforta dhe ambasadës Daneze, biznesmenin Arben Frroku etj.
 

makinat
makinat


Redaksia Online
(m.b/shqiptarja.com)

  • Sondazhi i ditës:
    21 Dhjetor, 15:03

    Si e vlerësoni mbylljen e TikTok në Shqipëri për një vit?

Lajme të tjera



×

Lajmi i fundit

Kur kthimi në Shqipëri për të investuar, përfundon në zhgënjim

Kur kthimi në Shqipëri për të investuar, përfundon në zhgënjim

22 Dhjetor, 22:51