Shkodër/ Tentoi të vriste me armë 37-vjeçarin pas konfliktit për lojën e pokerit, arrestohet një 20-vjeçar

Shkodër/ Tentoi të vriste me armë 37-vjeçarin pas konfliktit për lojën e pokerit, arrestohet një 20-vjeçar

Arma e përdorur nga 20-vjeçari

SHKODËR - Një 20-vjeçar u arrestua pasi tentoi të vriste me armë zjarri një 37-vjeçar në ambientet e një lokali.

Ngjarja ndodhi në fshatin Vrakë Shkodër në orën 22:00 pas një konflikti të çastit. Mësohet se konflikti mes tyre ka nisur për shkak të lojës së pokerit.

Klaudio Kurteza, 20 vjeç qëlloi drejt Jasmin Pepajt 37-vjeç por fatmirësisht plumbi nuk e ka kapur në trup.

Pas kësaj ai u largua menjëherë nga vendi i ngjarjes por pa mundur t'i shpëtojë policisë.

Autoritetet sekuestruan dhe armën e zjarrit të 20-vjeçarit e cila ishte pistoletë me silenciator.

Gjithashtu policia arrestoi Arian Pepajn, 45-vjeç pronari i lokalit ku ndodhi ngjarja pasi u gjetën një tavolinë pokeri, dy pako letra bixhozi dhe disa çipsa. Edhe vetë 37-vjeçari u arrestua pasi policia mësoi se kishte në pronësi tavolinën e pokerit.

Të dy këta të fundit janë nën akuzën e organizimit të lojërave të fatit. Në lokal u gjetën dhe disa shishe birre pa pullë fiskale, e cila shton një akuzë më shumë për Arian Pepajn, pronarin e lokalit për "Fshehja e të ardhurave“, Tregtimi dhe transportimi i mallrave kontrabandë“.

Nën drejtimin e Prokurorisë së Rrethit Gjyqësor Shkodër vijon puna për zbardhjen e plotë të kësaj ngjarjeje.

E.M./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Investimi i dhëndrit të Trump në Sazan, jeni dakord?



×

Lajmi i fundit

Vuçiç paralajmëron Perëndimin për Kosovën: Nëse 'doni' ata, s’do keni Serbinë

Vuçiç paralajmëron Perëndimin për Kosovën: Nëse 'doni' ata, s’do keni Serbinë