Policia e Shkodrës ka arrestuar mbrëmjen e të hënës një 28 vjeçar të cilit iu gjetën armë luftarake si 5 granata defensive, 3 ndezës, 645 fishekë dhe 1 armë gjahu pa leje.

Personi i arrestuar është Prel (Brezart) Pllumbaj, banues në Shkodër.

Ndalimi i tij është bërë në lagjen “Ndoc Mazi”, teksa ka qenë duke lëvizur me biccikletë, por policia i ka pikasur qese të dyshimta dhe pas kontrollit të ushtruar iu armët luftarake.

Pas arrestimit, në kushtet e flagrancës u bë gjithashtu nga policia edhe kontrolli i banesës së këtij shtetasi, ku u gjet dhe iu sekuestrua në cilësinë e provës materiale një armë gjahu pa leje.

shkoder arme e municione

shkoder arme e municione

shkoder municionet

shkoder arme e municione

Njoftimi i Policisë së Shkodrës

Në kuadër të planit të masave të zhvilluar për parandalimin e ngjarjeve kriminale dhe goditjes së armëmbajtjes pa leje, nga Specialistët e Seksionit për Krimet në Komisariatin e Policisë Shkodër, u bë arrestimi në flagrancë i shtetasit:
 
•    Prel (Brezart) Pllumbaj 28 vjeç, banues në Shkodër.

Arrestimi i këtij shtetasi u bë për arsye se:

Në lagjen “Ndoc Mazi” Shkodër, shtetasi I mësipërm duke lëvizur me biçikletë u konstatua me qese të dyshimta dhe pas kontrollit të ushtruar i'u gjetën :

- 5 (pesë) granata difensive,
- 3 (tre) ndezësa,
- 645 fishekë model 56

të cilat u sekuestruan në cilësinë e provës materiale.

Në kushtet e flagrancës u bë gjithashtu kontrolli i banesës së këtij shtetasi, ku u gjet dhe iu sekuestrua në cilësinë e provës materiale:

- Një armë gjahu pa leje.

Materialet i kaluan për veprime të mëtejshme Prokurorisë së Rrethit Gjyqësor Shkodër për veprat penale të “Mbajtje pa leje të armëve luftarake e municionit” dhe “Prodhimi dhe mbajtja pa leje të armëve të gjuetisë”, parashikuar nga nenet 278/2 dhe 280 të Kodit Penal.

Redaksia online
Shqiptarja.com