Shkodër- Një sasi eksplozivi shpërtheu mëngjesin e sotëm (29 Gusht) në qytetin e Shkodrës.
Objektivi ishte një agjenci funerale e cila sapo ishte hapur, teksa nuk u regjistruan viktima apo të lënduar, por vetëm dëme materiale. Lënda plasëse ishte vendosur në derën e subjektit që kujdeset për procesionet mortore.
Shpërthimi sipas policisë vendore u dëgjua rreth orës 03:20, kurse agjencia është në pronësi të Flora Fierza, e cila gjithashtu po merret në pyetje për dyshimet që ka.
Persona të paidentifikuar dyshohet se janë afruar të maskuar duke vendosur tritolin dhe më pas janë larguar me shpejtësi. "Shqiptarja.com" dhe "Report TV" kanë siguruar edhe pamjet e pasojave të këtij shpërthimi, ku dallohen qartë dera e shkatërruar, një gropë në dysheme dhe materiale të dëmtuara.
Pista e parë e hetimit mbetet ajo e konkurrencës, teksa Policia ndodhet në vendngjarje për shoqërime, mbledhje provash dhe dëshmish, si dhe ndjekjen dhe kapjen e autorëve të krimit.
"Rreth orës 03:20, në lagjen "Skenderbeg", në derën e një agjencie funerale në pronësi të shtetases F. F., (Flora Fierza) është hedhur një sasi e vogël lëndë plasëse. Si pasojë ka vetëm dëme materiale.
Grupi hetimor nën drejtimin e Prokurorisë vijon veprimet për sigurimin e provave me qëllim identifikimin dhe kapjen e autorit/ve", thuhet në njoftimin zyrtar paraprak të policisë.
Grupi hetimor dhe prokurori i gatshëm po kërkojnë edhe për pamje të kamerave të sigurisë në zonën ku ndodhi shpërthimi.
Këto që shihni në pamje janë dëmet e shkaktuara nga shpërthimi i fuqishëm i eksplozivit, në derën e agjencisë funerale në qytetin e Shkodrës.
Ngjarja ndodhi rreth orës 03:20 të mëngjesit të sotëm në lagjen "Skënderbeg", kurse subjekti rezulton se është në pronësi të Flora Fierza.
Sipas policisë vendore, autorët, ende të paidentifikuar, kanë vendosur një sasi të vogël tritoli në derën hyrëse të agjencisë (pesha ende e papërcaktuar nga ekspertët), bazuar te hetime paraprake dhe këqyrja e vendngjarjes.
Dëmet janë në materiale dhe pamjet në video të dërguara nga gazetari Ergys Kavaja, tregojnë vatrën e shpërthimit, dera e shkatërruar plotësisht, çarja e dyshemesë me një gropë në mes, vendi i nxirë përreth nga gjurma shpërthyese e TNT-së dhe sende materiale të dëmtuara afër zonës së shpërthimit.
Për fat të mirë nuk ka të lënduar, pasi në momentin e shpërthimit në subjekt nuk ndodhej askush.
Policia ka nisur hetimet me verifikimin e pamjeve të kamerave të sigurisë, pyetjen e pronares dhe dëshmitarëve, teksa pista kryesore mbetet konkurrenca në biznes, pa përjashtuar edhe hipotezat e tjera të mundshme kriminalistike. Hetimet janë ende aktive sipas policisë lokale.
Komente
Lajme të tjera
-
Pamje magjike nga Hajmeli, 250 besimtarë krijojnë skenën e lindjes së Jezu Krishtit! Shfaqja ‘Betlehemi i gjallë’ merr vëmendjen e qindra vizitorëve
23 Dhjetor, 16:04 -
Shkodër/ Po dhunonte të atin dhe e kërcënonte për ta vrarë, policia arreston në flagrancë 29-vjeçarin
23 Dhjetor, 11:10 -
E përditshmja britanike 'Sunday Times': 10 vendet më të mira për t’u vizituar në Shqipëri
23 Dhjetor, 09:52 -
Shkodër, i vjedhin në rrugë çantën me 170 000 lekë dhe paketa me cigare, arrestohen hajdutët
20 Dhjetor, 11:13 -
Do zhvillojë turizmin në Shkodër, drejt përfundimit rruga e re Shëngjin-Velipojë (VIDEO)
20 Dhjetor, 08:23 -
Shkodër/ Miratohet buxheti 29 milionë euro për 2025! Opozita bën ‘mosbindje civile’
19 Dhjetor, 20:44
-
Dosja 'Metamorfoza'/ Kërkesa e biznesmenit Pëllumb Gjoka për pavlefshmëri të përgjimeve nga Sky ECC, Kushtetuesja tërhiqet për vendim
19 Dhjetor, 15:05 -
Hapet tenderi 364 mln euro për ndërtimin e Milot-Balldre! Jepet për 35 vite me koncesion! Autostrada 17 km do jetë me pagesë
19 Dhjetor, 13:53
-
Në kërkim nga Spanja për trafik droge, arrestohet i riu në Shkodër (EMRI)
19 Dhjetor, 09:37 -
Shkodër/ Rijetëzimi i zonës së Zdrales, nis restaurimi i fasadave të banesave
18 Dhjetor, 15:03 -
Bashkia e Shkodrës ‘harron’ urimin për Krishtlindje, famullitari i Shkodrës: Pse me e fsheh, kur dikush është në festë?!
17 Dhjetor, 09:28 -
Shkodër/ Kanosi dhe goditi me grusht punonjësin e Policisë Bashkiake, arrestohet autori
16 Dhjetor, 16:00
te jesh shkodran tana i bon , turp edhe te vdekurit si lini rahat
PërgjigjuPo normal, biznes i madh me vdekjen e ketij populli qe po zhduket.
Përgjigju