POP 5

Lajmet më të lexuara të 5 minutave të fundit

Kronikë

Shkodër-Mali i Zi, sekuestrohen mbi 2 mln euro cash brenda katër ditëve, dyshohet se vijnë nga aktivitetet e paligjshme! 3 persona në pranga (RASTET)

Sasia e valutës është e ndarë pothuajse përgjysmë, ku mbi 1,1 mln euro janë kapur në Muriqan, kufiri shqiptar dhe rreth 1 mln euro në atë malazez, afër Hanit të Hotit, nga 15-18 Nëntor. Dje u sekuestruan 30 mijë euro në Kapshticë, u procedua një turk

Shkodër-Mali i Zi, sekuestrohen mbi 2 mln euro cash brenda katër ditëve, dyshohet se vijnë nga aktivitetet e paligjshme! 3 persona në pranga (RASTET)

Në foto, pakot me 331 mijë eurot e sekuestruara në Muriqan

Kontrabanda e parave nuk ka të ndalur, teksa janë rritur rastet e sekuestrimeve në pikat kufitare, kryesisht ato tokësore, ku sasi të mëdha në valutë fshihen nëpër mjete transporti apo vetura.

Që nga 15 nëntori i këtij viti, vetëm në zonën kufitare të Shkodrës, kufiri Shqipëri-Mali i Zi, janë sekuestruar rreth 2 mln euro cash që transportoheshin kryesisht me kamionë nga drejtuesit e mjeteve. Kjo shumë është kapur brenda katër ditëve, në tre aksione të ndryshme. Kurse dje, në Kapshticë u kap një shtetas turk me një shumë prej 30 mijë eurosh cash në kamion, e padeklaruar.

Kjo valutë ka qenë e ndarë pothuajse në mënyrë të barabartë, gjysma e kapur në tokën malazeze dhe gjysma tjetër në atë shqiptare. 

Operacioni më i fundit u zhvillua dje në afërsi të Hanit të Hotit, ku policia malazeze ndaloi një kamion që transportonte mallra për kontroll dhe fillimisht gjeti 135 mijë euro cash tek shoferi i mjetit dhe më tej të fshehura 815 mijë euro të tjera. Në total 950 mijë euro, që dyshohet se janë produkt i aktiviteteve të paligjshme. Në pranga ra shoferi shqiptar me inicialet M.T., që i është nënshtruar hetimeve.

Kurse më 15 Nëntor Policia e Shkodrës njoftoi ndalimin në Doganën e Muriqanit të një personi që transportonte 680 mijë euro dhe bëri të mundur arrestimin e shtetasit me iniciale L.N., 51 vjeç.

Më 18 nëntor, po në Muriqan, policia arrestoi shtetasi F.H., 36 vjeç pasi në makinën e tij u gjeten 331000 euro. Pra në total 1,1 mln euro.

Ndërsa dje (20 Nëntor), në Kapshticë, u arrestua një shtetas turk që transportonte me kamion mallrash 30 mijë euro të padeklaruara, teksa u vu nën procedim nga Policia e Korçës.

A.Q/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 23 Janar, 09:41

    Secila parti në zgjedhje me 46 deputetët e parë të fiksuar, si e vlerësoni?

Lajme të tjera



×

Lajmi i fundit

Dhunoi në tetor babë e bir të familjes Caca në Fushë-Krujë, arrestohet Ariel Rraja, nipi i ish-deputetit socialist Rrahman Rraja

Dhunoi në tetor babë e bir të familjes Caca në Fushë-Krujë, arrestohet Ariel Rraja, nipi i ish-deputetit socialist Rrahman Rraja

23 Janar, 10:42