Shkodër/ Gjendet i djegur automjeti dhe arma 'MP5', u përdorën në vrasjen e ish-policit dhe bashkëjetueses

Gjendet një automjet tip "Mercedes Benz" i djegur në periferi të Shkodrës, ndërsa brenda grupi hetimor ka konstatuar edhe një armë zjarri tip automatike "MP5". Dyshohet se makina dhe arma iu përket autorëve të vrasjes së ish-policit Boran Bërçana dhe bashkëjetueses së tij, Silvi Ndoci, në orët e para të mëngjesit të kësaj të diele.

Automjeti është gjetur i shkrumbuar në dalje të qytetit të Shkodrës. Policia ka mbërritur në vendin e ngjarjes dhe vijon punën për gjetjen e provave të tjera që mund ta lidhin makinën e djegur dhe armën autometike tip "MP5" me krimin tronditës në lagjen "Naim Gjylbegu" të kryeqendrës së veriut ku çifti u ekzekutua në sy të djalit 2-vjeçar.

Njoftimi i Policisë:

Shkodër 

Informacion Paraprak

Me date 15.07.2018 rreth orës 10:30 jemi njoftuar se në lagjen Dobraç, në dalje të Bypass-it është gjetur një automjet i djegur.

Menjëhere kanë shkuar forcat policore dhe grupi hetimore dhe po punojnë për sqarimin e rrethanave të ngjarjes 

Paraprakisht dyshohet se mjeti të jetë përdorur nga autorët e ngjarjes së ndodhur sot në orët e para të mëngjesit ku ka mbetur i vrarë shtetasi B. B. 30 vjeç dhe bashkëjetuesja e tij shtetësja S. N. rreth 25 vjeçe, pasi në mjet është gjetur dhe një armë zjarri automatike.


Lajmi kryesor:

Shkodër, ekzekutohen në makinë ish-polici e bashkëjetuesja në sy të djalit 2-vjeçar/VIDEO


//Shqiptarja.com
  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Dy humbjet në miqësore, Kombëtarja humbet pozicione në FIFA! Rivalët e Euro 2024 në 'top 10'

Dy humbjet në miqësore, Kombëtarja humbet pozicione në FIFA! Rivalët e Euro 2024 në 'top 10'