POP 5

Lajmet më të lexuara të 5 minutave të fundit

Kultura

Shkodra i bashkohet festimeve të karnavaleve në Tuz të Malit të Zi, banda frymore e 'djepit të kulturës' dhuroi spektakël për banorët

Banda frymore e qytetit të Shkodrës dhuroi spektakël dhe atmosferë festive në rrugët e qytetit të Tuzit në Malin e Zi, ku iu bashkuan festës tradicionale të Karnavaleve. Në Shkodër, në fund të shkurtit do të zhvillohet parada e karnavaleve. 

Shkodra i është bashkuar festimeve në Komunën e Tuzit në Malin e Zi, në festën tradicionale të Karnavaleve. Banda frymore e qytetit dhe artistët shkodranë janë bërë pjesë e karvanit në qendër të komunës në një atmosferë festive, ku fëmijë e të rritur nga të gjitha grupmoshat mbushën rrugët e qytetit.

Artistët shkodranë u pritën nga Kryetari i Komunës Tuz, Liridon Gjelaj.

“Komuna e Tuzit përkrah aktivitetin e karnavaleve, do ta përkrahu edhe në të ardhmen, mendoj edhe ma fuqishëm nga ana e financave”.

Në emër të bashkisë Shkodër, N/Kryetari i saj Rudin Beka, teksa vlerësoi bashkëpunim mes dy qyteteve Tuzit dhe Shkodrës, ai iu ktheu reston duke i ftuar ata në javën e ardhshme në festimet 3 ditore të karnavaleve në Shkodër.

“Është kënaqësi që e rinisim bashkëpunimin mes Bashkisë Shkodër dhe komunës Tuzi. Shpresoj të kemi shpejt edhe ekipin tuaj si komunë po edhe ekipin e karnavaleve javën që vjen sepse, edhe ne po organizojmë 3 ditorëshin e karnavales më Shkodër”.

Festa e karnavaleve në Komunën e Tuzit është kthyer në një traditë të përvitshme të cilat kanë nisur që nga viti 1996, e prej asaj kohe e deri më sot është festuar gjithmonë. Po ashtu edhe në qytetin e Shkodrës festa e Karnavaleve do të mbahet për 3 ditë me radhë, përkatësisht në datat 23-24 dhe 25 Shkurt, që njihet ndryshe si festa e maskave, ngjyrave të shumëllojshme dhe embëlsirave.

B.K/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Puna e SPAK në 2024, Dervishi: Po u zbardh çka ndodhur me Ervis Martinajn bie piramida e krimit! Petraj: Si u privatizua CEZ do hap 'Kutinë e Pandorës'

Puna e SPAK në 2024, Dervishi: Po u zbardh çka ndodhur me Ervis Martinajn bie piramida e krimit! Petraj: Si u privatizua CEZ do hap 'Kutinë e Pandorës'

25 Dhjetor, 18:54