Shkodra i jep lamtumirën e fundit dramaturgut Albri Brahusha

Shkodra i ka dhënë lamtumirën e fundit, dramaturgut që u nda jeta një ditë më parë Albri Brahusha. Homazhet janë mbajtur në hollin e Teatrit 'Migjeni', ku miq, të afërm, familjarë, drejtues vendorë dhe përfaqësues të politikës i kanë dhënë lamtumirën e fundit.

Ai vuante kohët e fundit nga një sëmundje e rëndë të së cilës nuk mundi t'i bëjë ballë. Ai u lind në Shkodër në 29 shtator 1973. Ka studiuar drejtësi në Universitetin Luigj Gurakuqi, por pasioni për letërsinë e bëri që të ndjekë rrugën si shkrimtar dhe dramaturg.

Albër Brahusha është drejtuesi i pare i të përjavshmes “Milosao” që botohej nga Gazeta Shqiptare. Për një kohë të gjatë, ka shërbyer në poste drejtuese për kulturën dhe rininë në Ministrinë e Kulturës, ndërsa vepra qe ai la pas është e konsiderueshme në dramaturgji, letërsi dhe publicistikë. Me dramën e tij “Vizita e Fundit”, u vlerësua me çmim në festivalin ndërkombëtar të teatrit në Elbasan

Ka shkruar edhe pjesët “Për Elizën”, “Eldorado”, “Uverturë me tetë gishta”, “Në vagonin e klasit të fundit” dhe “I harruar nën armë”, botuar në revistën ORANA. Gjithashtu ka botuar vëllimin me tregime “Ignorantia” dhe romanet “Qyteti i Shiut” dhe “Tetë e gjysmë se fundmi ka punuar për revistën letrare e përtremuajshme G&G deri tani në 6 numra.

M.Q./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Fëmijët vrasin babain në Durrës, a është në krizë familja shqiptare?



×

Lajmi i fundit

Donald Trump fiton zgjedhjet në Karolinën e Jugut, mposht Nikki Haley në shtetin e saj

Donald Trump fiton zgjedhjet në Karolinën e Jugut, mposht Nikki Haley në shtetin e saj