POP 5

Lajmet më të lexuara të 5 minutave të fundit

Kultura

Shkolla e fotografisë italo-shqiptare së shpejti në Shkodër! Marrëveshje mes ‘Marubit’ dhe fondacionit italian

Muzeu kombëtar i fotografisë “Marubi” dhe Fondacioni “Alinari” nënshkruan një marrëveshje bashkëpunimi në Shkodër. Si fillim do të çelet një ekspozitë me foto të vjetra e më tej synohet krijimi i një shkolle shqiptaro-italiane

Muzeu Kombëtar i Fotografisë “Marubi” ka mirëpritur Fondacionin italian “Alinari”, njëri prej koleksioneve fotografike më të mëdhenj e më të vjetër në botë.

Drejtori i Fototekës “Marubi”, Luçjan Bedeni tha se së shpejti do të çelet shkolla e fotografisë në Shkodër.

“Ky bashkëpunim me Alinarin ka pikësynim një shkollë fotografie, e cila do të jetë një projekt i Marubit shumë ambicioz, jo vetëm për të bërë foto, por edhe restaurime, konservim dhe digjitalizim të arkivave. Kjo është vemendja jonë që pres ta realizojmë vitin që vjen. Po kështu dhe disa programme të tjera për të rinjve dhe hulumtuesve”. – tha Luçjan Beden

Presidenti i Alinarit tregon të tjera detaje të marrëveshjes.

“Marrëveshja mes Arkivit “Alinari” dhe Muzeut “Marubi” është e rëndësishme.

Në Mars ne do të sjellim ekspozitën me foto të arkivit Alinari. Ka shumë fusha me të cilat ne mund të bashkëpunojmë, sa i takon restaurimit të fotove si dhe për ti treguar fotografitë historike të rinjve”.

Arkivi  “Alinari” përbëhet nga 5 000 000 artefakte që datojnë nga viti 1841 e deri në ditët tona, pjesë e qindra fondeve, arkivave dhe koleksioneve me rëndësi për historinë e fotografisë botërore, jo vetëm asaj italiane. Që nga viti 2019 kjo trashëgimi e çmuar që e ka origjinën e saj në Firencen e vitit 1852, pranë Repartit Fotografik të Vëllezërve Alinari, është një e mirë publike, e blerë nga Rajoni i Toskanës i cili e administron, e ruan dhe e promovon përmes Fondacionit Alinari.

G.MO/KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 25 Janar, 13:37

    A duhet të votojnë emigrantët që kanë vetëm dokumente identifikimi të huaja?

Lajme të tjera



×

Lajmi i fundit

Homazhet për Kryepiskopin Anastas, në Tiranë pritet delegacion i lartë nga Vatikani, Kishat botërore dhe politikanë të lartë

Homazhet për Kryepiskopin Anastas, në Tiranë pritet delegacion i lartë nga Vatikani, Kishat botërore dhe politikanë të lartë

26 Janar, 22:57