Ministrja e Arsimit Lindita Nikolla ka reaguar ndaj denoncimit të bërë nga deputeti i PD-së, Luçiano Boçi disa ditë më parë.
Me anë të një statusi në Facebook, Boçi shkruante se në shkollën e Skraparit ishte shtruar mishi i pjekur dhe rakia, ndërkohë që krahas me denoncimin kishte postuar edhe fotot që sipas të cilit tregonin degradimin që kishte pësuar shkolla.
“Jemi në epokën e klasave digjitale pra, të Ramës e Linditës, “ku vlon mishi e rakia, tym e flakë të bëhet dija”- thoshte ndër të tjera Boçi.
Në reagimin e saj Nikolla i ka konsideruar shpifje fotot e publikuara nga deputeti Boçi dhe ka sqaruar shkolla ishte mbyllur për arsye sigurie dhe po rikonstruktohej duke sqaruar edhe arsyen se përse kishte ndodhur situata në fjalë.
Në foto ndodhet kryeplaku i fshatit, z. Albert Paja, ka vënë në dispozicion shtëpinë e tij për tre nxënësit dhe mësuesin e tyre. Pas përfundimit të punimeve, kryeplaku i fshatit ka shtruar një drekë për punëtorët dhe prindërit, të cilët kontribuan për meremetimin e shkollës-klasë.
Lindita Nikolla, ministre e Arsimit
Më poshtë ndodhet edhe urdhëri për ndërprerjen e procesit më shkurt deri në krijimin e kushteve të duhura për krijimin e procesit mësimor.
Postimi i plotë i Nikollës:
Deputeti i Partisë Demokratike Luçiano Boçi i është kundërvënë reagimit të ministres së Arsimit Lindita Nikolla ndaj disa fotografive të publikuara nga vet ai, që tregojnë situatën aktuale të një shkolle në Skrapar.
Boçi shkruan në rrjetin social “Facebook” se fotografitë tregojnë situatën katastrofike të shkollës dhe se ministrja Nikolla nuk po bën asgjë tjetër përveçse po mbrohet. Sipas deputetit demokrat, ministrja e Arsimit “sajon histori rozë, për realitete blozë”.
Boçi e akuzon sërish Nikollën për çorientim të kërkimit shkencor të universiteteve publike, për rritje tarifash, për degradim të procesit të pranimeve, për zhvlerësim të meritës e preferencës si dhe për lënie pa dëftesa të 420 mijë nxënësve të vitit të shkuar.
MINISTRJA QE LUAN ME HELLIN
Pas fotove me hell, Ministrja po na mbrohet me zell.
Sajon histori rozë, për realitete blozë.
Me kryeplak që bën fli shtëpinë
e bën kurban bagëtinë...Jeni bërë për bejte znj. Ministre!
Dhe si “kaporral” Rama i yt, bërtet më pas më kot:
Shpifje!?
Shpifje për çfarë?!
Për foto që flasin vetë.
Për foton me raki në një klasë, prapa dopjos të së cilës është “dërrasa e zezë” e shkruar?!
Për foton me mishin në hell, në sfondin e së cilës, ndrin Këndi i Klasës?
Jo zonja Ministre!
Jo!
Nuk janë shpifje, janë shpikje ministrore. Dhe ju nuk mund të fshiheni pas hellit.Sepse Institucioni i Arsimit arsimor është institucion me të njëjtin status, si në Çorrotat të ish komunës Zhepë të Skraparit, ashtu dhe në mes të Tiranës.
Është po kaq serioz, si me tre nxënës, ashtu dhe me 3 mijë nxënës.
E atje nuk bëhet as aheng, as shtrohen zijafete, sipas tekave të kryepleqve e sipas fiolozofisë suaj.
Bëhet mësim e shtrohet dije, sipas procesit mësimor të mësuesit.
Nuk e them unë.E përkufizon Ligji i Arsimit Parauniversitar.
Apo është shpifje fakti që ju keni detyruar 134 mijë fëmijë të braktisin arsimin parauniversitar, siç shkruani e pranoni dhe në statusin tuaj që shkolla Çorrotat ka përfunduar me 3 nxënës?
Mos vallë është shpifje fakti që ju mbyllët 150 shkolla, midis të cilëve dhe atë të Gurrazezit, ngjitur me Çorrotatin!?
Siç duket quani shpifje, faktin e denoncimit të shkatërrimin e Fakulteteve të edukimit dhe të degëve që pregatisin mësues?!
Që mbyllët Matematikë-Fizikën, Bio-Kiminë, Histori-Gjeografinë, ose i degdisët me 5 studentë, tamam si shkolla e Çorrotatit, për shkak të paaftësisë e papërgjegjshmërisë?!
Që keni çorientuar kërkimin shkencor dhe Universitetet publike?!
Që rritët tarifat?!
Që degraduat procesin e pranimeve?!
Që zhvlerësuat meritën e preferencën?!
Që latë pa dëftesa në kohën e duhur 420 mijë nxënës, vitin që shkoi?!
E sa e sa të tjera...?!
Kjo është panorama tronditëse e arsimit sot e nuk mund ta fshehësh dot as me statuse bajate e mediokre e as me akuza shterpë.
E ju nuk mund të vazhdoni të luani e të digjni më, në hellin e pushtetit tuaj, fatet e nxënësve e studentëve.
“Koha dridhet e përdridhet,
Do të vij’ dita që do zgjidhet...”
p.s
Po të postoj dhe foto me dreka të tjera në po atë shkollë (7 Maj), për të rrëzuar alibitë e tua, për rikonstruksione e data kot e festë inaguruese me prindër, punëtorë, etj...etj...
Shihe mire se ke dhe fëmijë aty!!!!!
Po tani cili shpif znj Ministre e Arsimit në hell?!!!!!!!Luçiano Boçi, deputet i Partisë Demokratike
Komente
Lajme të tjera
-
Protesta te rrethrrotullimi i Milotit, pjesëmarrje e ulët, Policia monitoron aksin me furgonë dhe sirena
29 Tetor, 17:22 -
VIDEO/Protesta e opozitës tek rrethrrotullimi i Milotit, i pranishëm edhe Gjin Gjoni! Protestuesit ulen këmbëkryq në mes të rrugës, njëri varet te kamioni: Fike, mos harxho naftë kot!
29 Tetor, 17:07 -
Luçiano Boçi uron ditëlindjen e Sali Berishës, më keq se servilat në kohën e Enverit
15 Tetor, 13:59 -
DOKUMENTI- Grupi i PD kallëzon në SPAK 74 deputetët e PS, listën e prin Edi Rama: Penguan ekzekutimin e 2 vendimeve të Kushtetueses për mandatin e Xhaçkës
2 Tetor, 11:05 -
Dosja 'Babale'! Pamjet e turpshme, Salianji në Apel me grup deputetësh demokratë presion gjyqtarëve para vendimit! Prokurori kërkon 1 vit burg, avokatët pafajësi! Gjykata vendos më 26 shtator
20 Shtator, 10:42 -
Votimi në Kuvend/ Ish-kryeparlamentarja Lindita Nikolla caktohet anëtare të komisionin Edukimit, Peleshi te Komisioni i Jashtëm
19 Shtator, 17:47 -
Zgjidhet kryesia e re e PS-së, EMRAT që la jashtë Edi Rama, dhe kë fuqizoi! Ikën Beqaj, Xhaçka, Bushati e Subashi! VOTAT që morën anëtarët e rinj! Erion Braçe i pari
8 Shtator, 12:55 -
Minxhozi: Gazi fierak dhe Boçi shkodran, fushata e qepur me pe të bardhë e PD
5 Shtator, 14:44
-
Zgjedhjet 2025/ Berisha në arrest shtëpie mbledh kryesinë: Protesta deri në krijimin e qeverisë teknike! Caktohen 12 drejtuesit në qarqe! Noka e Paloka në krye të fushatës
4 Shtator, 18:37 -
Sondazhet në Shqiptarja.com/ Ndryshimet në qeveri dhe Spiropali në krye të Kuvendit, ja cili ishte mendimi i qytetarëve
2 Gusht, 21:44 -
Elisa Spiropali takon presidentin Begaj, Socialistët mbledhin mbi 30 firma për propozimin e saj si kryetare Kuvendi
29 Korrik, 12:39 -
Dorëheqja e Lindita Nikollës si kryeparlamentare, socialistët: U përball me sulmin më të egër personal, ishte fuqia e qetë e Kuvendit
27 Korrik, 09:56
Mishin ose gjellen sic thote plehu boboci e hengren ata qe punuane dhe u befte mire;hellin le ta mbajne shpifsat e pde ne krye petagogun pacavure loci!
PërgjigjuKane nga kush frymezohen plehrat shpifesa te pd;nga qeni I terbuare dixhital!
PërgjigjuI pelqejne shume shqupit sajesat dhe montimet ja kane doren zanatit sharlatanet e PD-se.
Përgjigju