POP 5

Lajmet më të lexuara të 5 minutave të fundit

Kronikë

Shkolla te Bujqësori, banorë e simpatizantë të PD peticion Berishës: Si vjehërr dhe gjysh, mblidheni dhëndrin

 Në peticionin drejtuar Berishës, banorët theksojnë se shkolla e re e planifikuar për t’u ndërtuar do i shërbejë një komuniteti të gjerë prej 30 mijë banorësh.

Shkolla te Bujqësori, banorë e simpatizantë të PD peticion Berishës: Si vjehërr dhe gjysh, mblidheni dhëndrin

Qindra banorë e simpatizantë të selisë blu i janë drejtuar me një peticion ish kreut të PD, Sali Berisha, në të cilën shprehin indinjatën e tyre ndaj protestave të organizuara nga drejtues të PD kundër ndërtimit të shkollës së re “Nënë Tereza” në Kodër Kamëz. Sipas Bashkisë, në peticionin drejtuar Berishës, banorët theksojnë se shkolla e re e planifikuar për t’u ndërtuar do i shërbejë një komuniteti të gjerë prej 30 mijë banorësh.

“Ne, banorët e Kodër-Kamzës, ku jeton një komunitet prej rreth 30 mijë banorësh, ditët e fundit jemi çuditur nga protestat e organizuara nga disa pedagogë të Universitetit Bujqësor të Tiranës, të drejtuara nga dhëndri Juaj, z. Jamarbër Malltezi, të cilët, me sa kemi dëgjuar në media, kundërshtojnë ndërtimin e shkollës 9-vjeçare dhe gjimnazit “Nënë Tereza”, thuhet në peticionin e banorëve.

Ata theksojnë se nevoja për ndërtimin e kësaj shkolle është e hershme dhe fëmijët detyrohen të udhëtojnë çdo ditë me kilometra për t’u arsimuar në shkollën e Laprakës.

“Dëshirojmë t’ju sjellim në vëmendje se kjo shkollë është një kërkesë të cilën ne ia kemi bërë prej vitesh Bashkisë së Tiranës, për arsye se në zonën tonë nuk ka as shkollë 9 vjeçare dhe as gjimnaz, dhe fëmijët tanë detyrohen të udhëtojnë çdo ditë me kilometra për t’u arsimuar në shkollën e Laprakës”, theksojnë banorët e Kodëz Kamzës.

Ndaj, ata i kërkojnë ish-kreut të PD-së që të ushtrojë ndikimin e tij të fortë në parti dhe të vendoset në pozicionin e vjehrrit dhe të gjyshit, për t’i dhënë fund protestave kundër ndërtimit të shkollës “Nënë Tereza”.

“Të indinjuar nga protesta e pakuptimtë kundër shkollës që i sjell veç të mira komunitetit tonë; Të shqetësuar që fëmijët tanë bëjnë çdo ditë deri në 10 kilometra për të shkuar në shkollë; Të fyer që dhëndri Juaj po bllokon ndërtimin e shkollës sonë, në një zonë që ka mbështetur historikisht PD; Ju drejtohemi Juve ngaqë besojmë se PD nuk ka lider tjetër, duke Ju kërkuar të viheni në pozicionin e vjehrrit dhe të gjyshit, dhe me ndikimin Tuaj t’i jepni fund protestave kundër ndërtimit të shkollës “Nënë Tereza” sepse edhe fëmijët tanë meritojnë të mësojnë si të gjithë bashkëmoshatarët e tyre të Tiranës. Me shpresë se ndërhyrja Juaj do ta zgjidhë problemin tonë”, thuhet në peticionin.

( Kliko këtu ) për peticionin e plotë që banorët i dërgojnë ish-kryeministrit Berisha

 

B.K./b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Shqiptari: 12/04/2019 19:45

    Te protestojne dhe ta ndertojne shkollen diku tjeter me Baze te ligjit, seshte protesta kunder shkolles. Pastaj nxjerrin 100 firma fallco dhe firmosin sa njerez Kane qene be proteste e japin? Qeveria spo miremban ato qe ka.

    Përgjigju
  • Kamza: 12/04/2019 16:18

    Berisha bajga duhet me ja mbledh atij Jamatbrit qe proteston kunder shkolles

    Përgjigju
  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Ja pse 'lirimi' i Sali Berishës i gëzoi të gjithë

Ja pse 'lirimi' i Sali Berishës i gëzoi të gjithë

27 Nëntor, 23:04 nga Flogert Muça