POP 5

Lajmet më të lexuara të 5 minutave të fundit

Sociale

Shkollat e Durrësit mësim me 3 dhe 4 turne/ Sako për Report Tv: 32 shkolla të shembura nga tërmeti, 10 në proces rindërtimi

Viti i ri shkollor do te jetë i vështirë për nxënësit e Durrësit, pasi 32 shkolla u shkatërruan nga tërmeti dhe 12 mijë nxënës do të duhet të sistemohen në shkolla pritëse dhe mësimi do të zhvillohet me 3 dhe 4 turne. Kryetarja e Bashkisë, Emirjana Sako në një intervistë për Report Tv ka treguar detaje se çfarë do të ndodh me arsimin këtë vit.

DURRËS- Me 32 shkolla të shkatërruara nga tërmeti, viti i ri shkollor 2020-2021 nuk do të jetë i lehtë për Durrësin.  Janë plot 12 mijë nxënës në gjithë Bashkinë e Durrësit që do të duhet të transferohen në shkolla të tjera, pasi institucionet ku ato mësonin janë jashtë funksionit.

"Situata ku gjendet bashkia e Durrësit këtë vit është sfiduese, kemi në procesin e rindërtimit 32 objekte 10 prej tyre ka filluar puna. Kjo bën që 12 mijë nxënës të transferohen në institucione të tjera arsimore", tha Kryetarja e Bashkisë së Durrësit.

Në intersitën për Report Tv, Emirjana Sako deklaroi se mësimi do të zhvillohet me 3 dhe 4 turne.

"Procesi është i organizuar në orë 30 minutëshe. Kemi disa shkolla në qytet që do bëjnë mësim me 3 dhe 4 turne", u shpreh Sako.

Është pushteti vendor që po merret me sistemin në shkolla të tjera të 12 mijë nxënësve që i përkasin shkollave të dëmtuara nga tërmeti.

"Kjo është një periudhë 3 mujore, pasi shpresojmë të kemi shpejt shkollat e reja që po rindërtohen. Ndërsa gjatë kësaj kohe nxënësit e shkollave të dëmtuara do mbështeten me transport nga bashkia", tha më tej ajo.

Fatmirësisht shkollat e njësive administrative në zonat rurale nuk janë dëmtuar me përjashtim të shkollës së Rrashbullit e cila është në proces rindërtimi. Kryebashkiakja tha se tre muaj e parë do të jenë më të vështirë, dhe për të sistemuar të gjithë nxënësit do të kërkohet ndihmë nga shkollat private për tu vënë në dispozicion ambientet e tyre.

"Ne po kërkojmë bashkëpunim me institucionet arsimore private por po shihet edhe mundësia e konvikte, në mënyrë që të nisë mësimi për të gjithë nxënësit", theksoi Sako.

Ndërkohë, që në mes të muajit gusht ka nisur puna për dezinfektimin e shkollave në zbatim të protokollit të Ministrisë së Shëndetësisë për masat anti-covid. Dezinfektimi i të gjitha ambienteve përfundon brenda pak ditësh.

B.K./b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Ja pse 'lirimi' i Sali Berishës i gëzoi të gjithë

Ja pse 'lirimi' i Sali Berishës i gëzoi të gjithë

27 Nëntor, 23:04 nga Flogert Muça