Rusia në pragun e 1 milion rasteve të reja Covid-19! Putin: Vaksina e dytë gati në shtator

Numri i rasteve covid në Rusi ka arritur në 975.576, kurse totali i viktimave është 16.804.

Qendra për Kontrollin dhe Parandalimin e Infeksioneve njoftoi se gjatë 24 orëve të fundit janë regjistruar 4.711 raste të reja si dhe kanë humbur jetën 121 pacientë, ndërkohë që numri i të shëruarve ka arritur në 792.561

Norma e rritjes ditore e numrit të rasteve me Covid në Rusi është në 0,5 për qind dhe te 23,6 për qind e rasteve të reja nuk janë vërejtur simptoma.

Në kryeqytetin rus Moskë, në 24 orët e fundit janë shënuar 637 raste të reja me infeksionin e koronavirusit dhe 12 viktima.

Putin/ Vaksina e dytë gati në shtator

Pas "Sputnik V" të regjistruar tre javë më parë, Rusia do të ketë gati një vaksinë të dytë të koronavirusit në muajin shtator.

Rasti i parë me COVID-19 në Rusi u regjistrua më 31 janar ndërsa vdekja e parë më 19 mars. Masat kufizuese dhe bllokuese kundër pandemisë në vend filluan në fund të muajit mars.

Pasi më 27 mars ndaloi të gjitha fluturimet ndërkombëtare në kuadër të masave kundër COVID-19, Rusia ka rifilluar në mënyrë të ndërsjellë fluturimet ndërkombëtare me Turqinë, Mbretërinë e Bashkuar, Tanzaninë dhe Zvicrën.

TAG:
• Rusi
• Koronavirus
• masa kufizuese