Partia Demokratike ka shfrytëzuar protestën e rreth 150 banorëve të Shkozës, banesat e cilëve preken nga projekti i Unazës së Madhe, për të sulmuar qeverinë, por nuk kanë shmangur dot incidentet. 

Këtë të mëkurë pranë banorëve kanë mbërritur disa deputetë të grupit parlamentar të PD si Edi Paloka, Aldo Bumçi, Rudina Hajdari, Halim Kosova dhe Albana Vokshi. 

Por jo gjithçka ka shkuar ashtu siç ishte planifikuar nga selia blu. 

Një prej banorëve i është drejtuar Palokës se banesat e tyre janë shembur si rrjedhojë e projektit të miratuar nga qeveria "Berisha". Ai ka akuzuar deputeët demokratë se po bëjnë show duke përdorur problemin e tyre për interesa politike. 

Nënkryetari i PD i përgjigjet ashpër banorit, siç duket edhe nga kjo video e siguruar nga Shqiptarja.com, ndërsa ndërhyrja e deputetëve të tjerë shmang përplasjen. 
 
Incidenti gjatë deklaratës së Palokës:

Banori: Boll bëtë show! Sepse plani që na nxori jashtë është i juaji, i qeverisë tuaj. 

Paloka: Si?

Banori: Ju s'keni hallin e popullit, ju bëni politikë. Hajde vazhdoni tani. 
 
Paloka: Ç'a the ti, ç'a the?!

Deputetët e tjerë: Edi, Edi, prit...

Ndërhyjnë deputetët e tjerë të cilët i kërkojnë Palokës të tërhiqet, duke shmangur kështu edhe përplasjen fizike. Pas këtij momenti, nënkryetari i PD, largohet. 

Redaksia Online
l.q/Shqiptarja.com