Shkozë, prishja e banesave,Rama:
Bashkia të japë bonuse qiraje

Kryeministri Edi Rama nëpërmjet një replike me anë të komenteve për sa i përket ndërtimeve që priten të shemben nga IKMT në Shkozë, me një qytetar në faqen e tij në Facebook, është shprehur se këto ndërtesa janë pa leje dhe janë në një rrugë kryesore të Tiranës, si pasojë duhet të prishen.

Rama gjithashtu ka shtuar se Bashkia e Tiranës duhet t’u ofrojë bonuse qiraje banorëve si të të pastrehë.

“Familjarët e ketë e dinë prej kohësh dhe s’ka asnjë shans as për ta  dhe as për askënd tjetër që të legalizohen në mes të rrugëve e pastaj të shpronësohen me paratë e kopshteve, çerdheve, spitaleve, për të hapur rrugë që është për të gjithë ”, shkruan Rama.

Replika në komente:

Komenti i qytetarit: Sa shpejt i kthen pergjigjet per te tilla situata, nderkohe per Shkozen as e more mundimin te pakten te qetesoje familjaret

Komenti i Ramës: Per Shkozen eshte shume e qarte Roni, s'ka asgje per te kthyer pergjigje: Jane ndertime pa leje ne mes te nje rruge kryesore te Tiranes dhe duhet te prishen, nderkohe qe banoreve Bashkia e Tiranes duhet t'u ofroje bonus qeraje si te pastrehe! Familjet kete e dine prej kohesh dhe s'ka asnje shans as per ta dhe as per askend tjeter qe te legalizohen ne mes te rrugëve e pastaj te shpronesohen me parate e kopshteve, cerdheve, spitaleve, per te hapur rrugen qe eshte e te gjitheve!



(Replika e kryeminsitrit Rama në lidhje me banesat në Shkozë)

Redaksia Online
D.T/Shqiptarja.com