POP 5

Lajmet më të lexuara të 5 minutave të fundit

Sport

Shkrihet Gjilani, largime të futbollistëve në masë! Trajneri Duro ikën pas 2 ndeshjeve

Klubi i futbollit Gjilani është thuajse i shkrirë, kjo pas krizës financiare në ekip. Skuadra bardhekuqe ndodhet në udhëkryq pas largimit të presidentit Florim Zuka.

Shkrihet Gjilani, largime të futbollistëve në masë! Trajneri Duro ikën pas 2 ndeshjeve

Klodian Duro, ish-trajneri i Gjilanit

KOSOVË - Klubi i futbollit Gjilani është thuajse i shkrirë, kjo pas krizës financiare në ekip. Skuadra bardhekuqe ndodhet në udhëkryq pas largimit të presidentit Florim Zuka dhe tanimë janë larguar thuajse të gjithë futbollistët.

Duke filluar nga Enea Koliçi, te Arbër Prekazi, Egzon Sinani, Armend Halili, Yll Hoxha, Arbnor Ramadani, Albert Dabiqaj, Besar Musolli, Mevlan Zeka, Baton Zabërgja, Shend Kelmendi e Arens Mateli. Ndarjen me klubin gjilanas tani e kanë konfirmuar edhe dy mbrojtësit Përparim Islami dhe Granit Jashari.

Ndërkohë edhe trajneri Klodian Duro ka vendosur të largohet, kjo pas vetëm dy ndeshjeve në drejtim të ekipit në Conference League.

"Fund. U bashkuam pa e pritur njeri dhe po kështu po ndahemi. Në luftë shkohet me trima dhe trimat e mi luftuan si asnjëherë më parë në dy përballje shumë të forta ku ishim të pabarabartë në numër. Në të parën 11 kundër 14 dhe në të dytën 10 kundër 14, por asnjëherë dhe në asnjë moment nuk u dorëzuam, por luftuam si heronj të vërtetë ashtu siç i ka hije trimave të kombit. Pritëm deri në fund të gjithë bashkë për të luftuar përsëri në betejat që kishim para, por ishte e pamundur. Ishte shumë e bukur për aq sa zgjati dhe largohemi të gjithë me kokën lart si shqiponjë. Faleminderit djem", shkruan Duro.

Një ndër ekipet më të forta në vitet e fundit në Kosovë, tanimë Gjilani pritet që të luajë me ekipin e të rinjve në Superligë, duke bërë që gara të jetë e pabarabartë që në nisje.

S.Dh/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 27 Janar, 09:30

    A mendoni se vota e diasporës do të jetë përcaktuese në zgjedhje?

Lajme të tjera



×

Lajmi i fundit

Minella Aleksi: Historia nuk përsërit veten, njerëzit shpesh e bëjnë për mirë ose për keq

Minella Aleksi: Historia nuk përsërit veten, njerëzit shpesh e bëjnë për mirë ose për keq

28 Janar, 22:55 nga Minella Aleksi