Shkrihet plani i Berishës,nga HEC
tek privatizimi i Porto Palermos

TIRANE- Qeveria Berisha pas zgjedhjeve, pikërisht në muajin qershor dhe korrik ka marrë vendimin për të dhuruar portin e jahteve në Porto-Palermo klientelës së tij, pa asnjë shpërblim, për ta përdorur këtë perlë të bregdetit shqiptar për nevojat turistike të njerëzve të tij afër pushtetit.

Pikërisht për këtë arësye, Qeveria “Rama” mori dje një serë vendimesh, përmes të cilave është anuluar dhënia në përdorim dhe dhurimi pa shpërblim nga Ministria e Mbrojtjes te Mjedisi i “Tunelit të nëndetëseve” dhe të truallit funksional të tij, pjesë e pronës nr.959, me emërtim “Ish-brigada e nëndetëseve”, Palermo, Himarë, për ta përdorur për ngritjen e muzeut “Panorama e luftës së ftohtë” si dhe është shfuqizuar vendimi i qeverisë për përcaktimin e autoritetit kontraktues për dhënien me koncesion të ndërtimit dhe shfrytëzimit të portit të jahteve në Porto-Palermo, Himarë, dhe miratimin e bonusit, në procedurën përzgjedhëse konkurruese, që i jepet subjektit “Studio A.M.Z.”.

Ndërsa janë anuluar koncensionet e 6 HEC, sipas premtimit para zgjedhjeve, anulimin e faljes së pyjeve, anulimin e guroreve në Krujë, vendime për bordin e ERE etj. Janë plot 32 vendime të Berishës që janë anuluar, shfuqizuar e revokuar nga qeveria ditën e djeshme, duke ndërhyrë fort për të zhdukur njëherë e mirë shërbimin ndaj klientëve të qeverisë.
 
Ja vendimet:
1. Vendimi: Për disa ndryshime në vendimin nr.474, datë 10.7.2003, të Këshillit të Ministrave, “Për mënyrën e përdorimit të stemës së Republikës, si dhe raportin e përmasave të saj”.
Shpjegimi: Ka pasur një debat të fortë për stemën e republikës, ku Berisha është akuzuar për përdorimin e shqiponjës serbe.

2. Vendimi: Për revokimin e emërimit të anëtarëve të Këshillit të Statistikave dhe për shfuqizimin e vendimit nr.310, datë 19.4.2013, të Këshillit të Ministrave, “Për emërimin e anëtarëve të Këshillit të Statistikave”.
Shpjegimi: Akuzat më të forta në fushatë nga Rama kanë qënë në lidhje me përdorimin sipas nevojave të Berishës nga INSTAT të shifrave statistikore të rritjes ekonomike etj.

3. Vendimi: Shfuqizimin e vendimit nr.718, datë 28.8.2013, të Këshillit të Ministrave, “Për dhënien e miratimit paraprak për lejimin e punësimit, pas lirimit nga detyra, të një anëtari të bordit të komisionerëve të Entit Rregullator të Energjisë”.
Shpjegimi: Ka qënë flagrat rasti kur kreu i këtij institucioni, në klundërshtim me ligjin ka kërkuar punë duke marrë leje tek një HEC-privat.

4. Vendimi: Për shfuqizimin e vendimit nr.684, datë 16.8.2013, të Këshillit të Ministrave, “Për lejimin e Ministrisë së Drejtësisë, si autoritet kontraktues, për kryerjen e procedurave të prokurimit publik, me objekt “Mirëmbajtja e sistemit të mbikëqyrjes elektronike”.
Shpjegimi: Prokurimi publik ka qënë pjesë e debateve tmes Ramës dhe Berishës, ku ka pasur akuza për përdorim në favor të klientëve të qeverisë.

5. Vendimi: Për shfuqizimin e vendimit nr.630, datë 31.7.2013, të Këshillit të Ministrave, “Për lejimin e Zyrës së Administrimit të Buxhetit Gjyqësor për kryerjen e procedurave të prokurimit publik për disa projekte të sistemit gjyqësor”.
Shpjegimi: Akuza për prokurimin, në favor të klientelës.

6. Vendimi: Për shfuqizimin e vendimit nr.671, datë 7.8.2013, të Këshillit të Ministrave, “Për disa shtesa në vendimin nr.180, datë 13.2.2013, të Këshillit të Ministrave, “Për përcaktimin e listës së makinerive e të pajisjeve që janë drejtpërdrejt të lidhura me investimin dhe të procedurave të përjashtimeve e të kritereve përkatëse”.
Shpjegimi: Janë lejuar abuzime me listën e makinerive që janë përjashtuar nga taksimet, dhe procedura e investimeve.

7.Vendimi: Për shfuqizimin e vendimit nr.534, datë 27.6.2013, të Këshillit të Ministrave, “Për disa shtesa në vendimin nr.418, datë 27.6.2012, të Këshillit të Ministrave, “Për përcaktimin e masës së shpërblimit të anëtarëve të këshillave, bordeve ose komisioneve të njësive të qeverisjes qendrore”, të ndryshuar”.
Shpjegimi: Rama mban premtimin për uljen e masës së shpërblimit për bordet e shumta të ngritura nga qeveria.

8.Vendimi: Për shfuqizimin e vendimit nr.592, datë 10.7.2013, të Këshillit të Ministrave, “Për miratimin e projekt dokumentit të programit buxhetor afatmesëm 2014-2016”.
Shpjegimi: Qeveria Berisha kishte hartuar një plan shumë të diskutueshëm buxhetor në funksion të fushatës, ndërkohë që ishte futur vendi në krizë. Rama kishte premtuar për ta shfuqizuar.

9.Vendimi: Për shfuqizimin e vendimit nr.722, datë 28.8.2013, të Këshillit të Ministrave, “Për krijimin, shtrirjen territoriale e klasifikimin e zonës doganore të përhershme Tiranë (Vorë–Muçaj)”.
Shpjegimi: Në këtë zonë ka pasur dhe përplasje fizike, për shkak të klientelës se qeverisë së Berishës. Qeveria Rama e shfuqizon.

10.Vendimi: Për ngritjen e grupit të punës për shqyrtimin dhe studimin e termave të referencës për propozimet e paraqitura nga subjektet e interesuara në lidhje me Shërbimin e Auditimit të Borxhit të krijuar që institucionet shtetërore i kanë subjekteve vendase apo të huaja për shërbimet e kryera, si dhe për shërbimin e asistencës në fushën e doganave e tatimeve në Shqipëri.
Shpjegimi: Qeveria Berisha u akuzua për falsifikim të shifrave ekonomike dhe kreu i qeverisë ka kërkuar auditin për gropën e krijuar në ekonomi në shërbim të fushatës, një premtim i mbajtur.

11.Vendimi: Për shfuqizimin e vendimit nr.475, datë 10.4.2013, të Këshillit të Ministrave, “Për Inspektoratin Shtetëror të Mbikëqyrjes së Tregut”.
Shjpegimi: Qeveria Berisha në tetë vite qeverisje përmes këtij inspektorati ka operuar në mënyrë selektive në treg, duke favorizuar njerëz afër pushtetit dhe financues të tij.

12.Vendimi: Për shfuqizimin e vendimimeve për HEC: “Për miratimin e bonusit, në procedurën përzgjedhëse konkurruese, që i jepet shoqërisë për dhënien me koncesion të hidrocentralit “Dushaj””, “Gafer””, “Arsti””. “Kaçinar””, “Blac””, “Lusen””, “Katundi Vjetër dhe Reja e Velës”.
Shpjegimi: Në tetë vite kanë vijaur koncensionet e HEC-eve për njerëzit afër pushtetit, Rama kishte premtuar anulimin e tyre.

13.Vendimi: Për shfuqizimin e vendimit nr.654, datë 31.7.2013, të Këshillit të Ministrave, “Për heqjen nga fondi pyjor të sipërfaqes në ngastrat e ekonomisë “Krastë-Krujë”, Krujë, që do të përdoret nga shoqëria “Shpresa-Al”, sh.p.k., për shfrytëzimin e gurit gëlqeror”.
Shpjegimi: Ka pasur akuza për dhënien falas të fondit pyjor në Krujë për ta kthyer atë në gurore. Rama premtoi dhe e anuloi.

14. Vendimi: Për shfuqizimin e vendimit nr.774, datë 5.9.2013, të Këshillit të Ministrave dhe vendimit vendimit nr.700, datë 21.8.2013, “Për një ndryshim në vendimin nr.815, datë 29.11.2007, të Këshillit të Ministrave, “Për miratimin e listës shtesë të inventarit të pronave të paluajtshme shtetërore, të cilat i kalojnë në përgjegjësi administrimi Ministrisë së Brendshme për Gardën e Republikës”.
Shjpegimi: Me këtë vendim qeveria e Berishës legjitimonte dhënien e pronës falas për klientelën. Kryesisht në zonën e bregdetit por dhe në qendër të kryeqytetit.

15.Vendimi: Për shfuqizimin e vendimit nr.641, datë 31.7.2013, të Këshillit të Ministrave, “Për dhënien në përdorim të përkohshëm, pa shpërblim, nga Ministria e Mbrojtjes te Ministria e Turizmit, Kulturës, Rinisë dhe Sporteve, të objektit “Tuneli i nëndetëseve” dhe të truallit funksional të tij, pjesë e pronës nr.959, me emërtim“Ish-brigada e nëndetëseve”, Palermo, Himarë, për ta përdorur për ngritjen e muzeut “Panorama e luftës së ftohtë””.
Shpjegimi: Qeveria Berisha ua dha këtë perlë të turizmit shqiptar në bregdet njerëzve të tij afër pushtetit. Rama kishte premtuar anulimin e këtij vendi, premtim që e realizoi dje.

16.Vendimi: Për shfuqizimin e vendimit nr.556, datë 27.6.2013, të Këshillit të Ministrave, “Për përcaktimin e autoritetit kontraktues për dhënien me koncesion të ndërtimit dhe shrytëzimit të portit të jahteve në Porto-Palermo, Himarë, dhe miratimin e bonusit, në procedurën përzgjedhëse konkurruese, që i jepet subjektit “Studio A.M.Z.””.
Shpjegimi: Porti i Jahteve në Porto Paleromo në Himarë u ishte dhënë kompanive afër pushtetit për ti përdorur me koncension në funksion të turizmit. Rama premtoi anulimin dhe e realizoi.

17.Vendimi: Për shfuqizimin e vendimit nr.761, datë 5.9.2013, të Këshillit të Ministrave,“Për kalimin në pronësi, nga Ministria e Mbrojtjes te komuna Vërtop, Berat, të sipërfaqes 12 969 m2, nga trualli funksional i pronës nr.1029, me emërtim “Ish-reparti ushtarak nr.5013”, Vërtop, Berat, dhe për një ndryshim në vendimin nr.515, datë 18.7.2003, të Këshillit të Ministrave, “Për miratimin e listës së inventarit të pronave të paluajtshme shtetërore, që i kalojnë në përgjegjësi administrimi Ministrisë së Mbrojtjes”, të ndryshuar”
.Shpjegimi: Qeveria Berisha kishte vendosur faljen dhe shitjen lirë të tërë pasurive të Ministrisë së Mbrojtjes për klientët.

18. Vendimi: Për një shtesë në vendimin nr.591, datë 10.7.2013, të Këshillit të Ministrave, “Për disiplinimin e përdorimit të shpenzimeve buxhetore, për vitin 2013”.
Shpjegimi: Qeveria e Berishës përdori tërë fondin në fushatë.

19.Vendimi: Për shfuqizimin e vendimit nr.600, datë 17.7.2013, të Këshillit të Ministrave,“Për miratimin e statutit të Fondit të Sigurimit të Detyrueshëm të Kujdesit Shëndetësor në Republikën e Shqipërisë”.
Shpjegimi: Qeveria e kaluar ngriti një sistem piramidë sigurimi.

20.Vendimi: Për shfuqizimin e vendimit nr.379, datë 2.5.2013, të Këshillit të Ministrave, “Për përcaktimin e Zyrës për Mbrojtjen e Konsumatorit, si përfaqësuese në këshillin administrativ të Fondit të Sigurimit të Detyrueshëm të Kujdesit Shëndetësor e përfituesve të këtij fondi”.
Qeveria kishte afruar klientët e tij të mbrojtjes së konsumatorit në drejtimin administrativ të sigurimit shëndetësor.

21. Vendimi: Për shfuqizimin e vendimit nr.555, datë 27.6.2013, të Këshillit të Ministrave, “Për miratimin e rregullores për karakteristikat e cilësisë dhe kriteret e natyrshmërisë së vajit të ullirit dhe vajit të bërsive të ullirit”.
Shpjegimi: Berisha ka tentuar që në kuadër të nismës së ullifikimit të vendit, ka tentuar të ndërhyjë në tregun e vajit të ullirit. Rama e shfuqizon, duke tentuar rregullimin e tregut.

22.Vendimi: Për unifikimin e kompetencave të Inspektoratit Ndërtimor Urbanistik Kombëtar (INUK) në e zonat/çështjet me rëndësi kombëtare dhe në territor.
Shpjegimi: Qeveria Berisha e ka përdorur Inspektoratin ndërtimor dhe Urbanistik në favor të klientelës, dhe goditur bizneset që nuk paguanin për qeverinë apo ishin në anën e opozitës.

23.Vendimi: Për lirimin dhe emërimin në detyrë të drejtorit të Përgjithshëm të Agjencisë së Legalizimit, Urbanizimit dhe Integrimit të Zonave/Ndërtimeve Informale (ALUIZNI).
Shpjegimi: Qeveria Berisha abuzoi në lidhje me legalizimet, duke i mbajtur peng. Rama deklaroi legalizimin falas. Ikën Kollozi dhe vjen Artan Lame.

Shkrimi u publikua sot (01.10.2013) në gazetën Shqiptarja.com (print)

Redaksia Online
(d.d/shqiptarja.com)

/Shqiptarja.com