Sulmi i mëngjesit të sotëm nga SHBA, Anglia dhe Franca, u përkrah nga shumica e vendeve perëndimore edhe pse pjesa më e madhe e tyre nuk kishin marrë pjesë në këtë ndërhyrje ushtarake. Tashmë televizioni shtetëror sirian, ka publikuar pamjet e para pas sulmit të mëngjesit të sotëm.
103 raketa u lëshuan mëngjesin e ditës së sotme nga SHBA- ja, Franca dhe Anglia, si një mesazh për regjimin sirian se përdorimi i armëve kimike nuk do të tolerohej.
Televizioni shtetëror sirian, ka publikuar tashmë pamjet e para pas sulmit, ku mund të vërehen se si qendrat shkencore të kërkimit dhe prodhimit të armëve kimike të cilat kishin qenë në shënjestër të sulmit të SHBA-së dhe aletaëve, janë shkatërruar plotësisht.
Në shënjestër të sulmit ishin tre baza, dy në qytetin e Homes dhe një në Barzeh të Damaskut.
Ndërkohë dita e sotme në Siri, është shoqëruar edhe me protesta, ku mbështetës të regjimit të Assadit kanë mbushur rrugët e kryeqytetit sirian, ku shihehsin shumë fëmijë me flamurë në duar dhe me portrete të presidentit Sirian.
Lajme të tjera
-
Kina dhe Siria forcojnë bashkëpunimin e tyre, Xi: Do të ndihmojmë në rindërtimin e qyteteve
22 Shtator 2023, 19:46
