Kryeministri i Maqedonisë së Veriut, Hristijan Mickovski synon shpërbërjen e Këshillit Gjyqësor dhe atij të Prokurorëve, për të cilët thotë se nuk kanë besimin e qytetarëve dhe vetëm se paraqesin barrë për buxhetin e shtetit.
Por, komuniteti ndërkombëtar vlerëson se kjo qasje paraqet ndërhyrje në veprimtarinë e gjyqësorit, teksa i bën thirrje qeverisë në Shkup që reformat të realizohen përmes dialogut dhe bashkëpunimit me partnerët ndërkombëtarë. Këto këshilla mes tjerash miratojnë dhe mund shkarkojnë gjykatësit, kryetarët e gjykatave apo prokurorët nga detyra.
Synimet e kryeministrit të Maqedonisë së Veriut, Hristijan Mickovski për shfuqizimin e Këshillit Republikan Gjyqësor dhe atij të Prokurorëve, kanë hasur në pakënaqësinë e një pjese të diplomatëve perëndimorë dhe të ekspertëve në vend.
Zoti Mickovski vlerëson se këto organe të drejtësisë nuk kanë besim tek populli dhe paraqesin barrë për buxhetin e shtetit. Por, komuniteti ndërkombëtar, në veçanti ambasadorët e SHBA-ve dhe të Bashkimit Evropian në Shkup nuk dëshirojnë shpërbërjen e këtyre Këshillave, ndërsa idenë e qeverisë e kanë quajtur ndërhyrje në pushtetin gjyqësor. Ambasadorët sugjerojnë vazhdimin e reformave në gjyqësorin e Maqedonisë së Veriut.
Por, kryeministri Mickovki ka drejtuar akuza ndaj diplomatëve perëndimorë se janë ata të cilët po përzihen në punët e brendshme të Maqedonisë së Veriut, teksa iu ka kërkuar që nëse kanë, të ofrojnë zgjidhje dhe këshilla të mirëfillta të cilat do të ishin në dobi të reformave të gjyqësorit. Kryeministri maqedonas, ndërkaq thotë se Këshilli Gjyqësor dhe Këshilli i Prokurorëve kanë një besueshmëri prej dy përqind.
“Unë po të kisha një besueshmëri prej vetëm dy përqindësh do të isha turpëruar dhe do të largohesha nga detyra të cilën e bëj”, thekson ai.
Reformat, sipas kreut të qeverisë në Shkup, parashikonin “përgjegjësi e llogaridhënie dhe heqjen e kolltuqeve të rehatshme”.
Ambasadori i BE-së në Shkup, David Geer tha se do të vazhdojë angazhimi me qeverinë dhe organet tjera të sistemit për të diskutuar mënyrat më të mira mbi reformat e domosdoshme në gjyqësor. “Ne duam një dialog dhe marrëdhënie konstruktive”, u tha ai gazetarëve në Shkup.
“Ne kemi synime të njejta sa i takon anëtarësimit të këtij vendi në Bashkimin Evropian sa më shpejtë që të jetë e mundur”, tha ambasadori David Geer.
Anëtarët e Këshillave të prekur thonë se këto organe janë vlerësuar pozitivisht nga institucionet ndërkombëtare dhe nëse ka ndonjë lloj parregullsie në punën e tyre, të kërkohet përgjegjësia tek individët dhe jo te i gjithë Këshilli.
Megjithatë, besimi i opinionit publik vazhdon të jetë i ulët sa i takon sundimit të ligjit. Në anketat e instituteve ndërkomëbtare, siç është IRI, rreth 65 përqind e të anketuarve mendojnë se sundimi i ligjit nuk zbatohet në mënyrë të drejtë dhe të barabartë; një çështje që, sipas ekspertëve duhet të paraqesë shqetësim për autoritetet dhe institucionet politike në Maqedoninë e Veriut.VOA
Lajme të tjera
-
Kimete Berisha: Me Mickovskin kundër gjuhës shqipe
20 Nëntor, 11:20
-
Presidenti shqiptar i Federatës së Futbollit të Maqedonisë së Veriut jep dorëheqjen: Periudha ime është më e suksesshmja në histori
18 Nëntor, 14:49 -
Spiropali pret homologun e Maqedonisë së Veriut Gashi: Shqiptarët faktor stabiliteti, respektimi i gjuhës shqipe dhe të drejtave i shërben integrimit
13 Nëntor, 14:32 -
Skandal me bastet sportive në Turqi, mediat: Grupet kriminale blenë ekipe edhe në Shqipëri për trukimin e rezultatit
12 Nëntor, 19:17 -
Braziliani kapet me 2 kilogramë kokainë në Aeroportin e Shkupit, i kishte fshehur në valixhe! Arrestohen dhe dy vëllezërit nga Struga
10 Nëntor, 17:25 -
Pas takimit me Macron, Mickoski shprehet optimist për integrimin evropian të Maqedonisë së Veriut
9 Nëntor, 09:04 -
A do ribashkohen Shqipëria dhe Maqedonia e Veriut në rrugën evropiane? Zëdhënësja e Komisionit Europian: Proces individual
31 Tetor, 20:15 -
Ballkani hyn më shpejt në BE?/ Von der Leyen: Përfiton prej tensioneve gjeopolitike
31 Tetor, 17:15 -
Raporti i Progresit për Maqedoni e Veriut, Mickocki: Asnjë përgjegjësi për ngecjen e procesit dhe negociatave!
31 Tetor, 17:06 -
Komisioni Evropian miraton planin e rritjes, BE nis së shpejti pagesat! 6 miliard euro për Ballkanin Perëndimor
23 Tetor, 15:26 -
KE për Planin e Rritjes 6 miliardë euro në Ballkanin Perëndimor: Gjysma e fondeve do të përdoren për infrastrukturë. Ja vendi që do përfitojë më shumë dhe sa merr Shqipëria
20 Tetor, 17:34 -
Maqedoni e Veriut/ Po mbante një fjalim, ish kryeministri i Skocisë rrëzohet dhe humb jetën
12 Tetor, 22:50
