POP 5

Lajmet më të lexuara të 5 minutave të fundit

Politikë

Shmanget përplasja me grupin e Rithemelimit, nesër mblidhet online Komisioni i Reformës Zgjedhore! Në seancë dëgjimore KQZ

Të martën Komisioni i Reformës Zgjedhore do të mblidhet sërish. Këtë herë, do të jetë radha e Komisionit Qendror të Zgjedhjeve, për të propozuar ndryshime në Kodin Zgjedhor. Kjo dëgjesë vjen pasi Alibeaj dhe Gjiknuri kanë mbledhur edhe propozimet e një sërë grupesh të tjera të interesit, si diaspora e shoqëria civile.

Shmanget përplasja me grupin e Rithemelimit, nesër mblidhet online Komisioni i Reformës Zgjedhore! Në seancë dëgjimore KQZ

Foto nga mbledhja e komisionit online

Të martën Komisioni i Reformës Zgjedhore do të mblidhet sërish. Damian Gjiknuri e Enkelejd Alibeaj nuk do të tentojnë mbledhjen fizike të Komisionit, por për të shmangur përplasjen me grupin e Rithemelimit, mbledhja është planifikuar të bëhet online.

Këtë herë, radha është e Komisionit Qendror të Zgjedhjeve, që pas një sërë thirrjesh të Ilirjan Celibashit, që reforma të çohet përpara, t’i paraqesë Gjiknurit e Alibeajt kërkesat që me shkrim nuk kanë munguar, adresimin e dy vendimeve të Gjykatës Kushtetuese: votën e diasporës e herësin, por edhe rekomandimet e BE-së që lidhen me depolitizimin e administratës zgjedhore, financimin e fushatave etj.

Po ashtu të martën në komisionin e Reformës Zgjedhore, do të zhvillohet seancë dëgjimore edhe me Drejtorinë e Përgjithshme të Gjendjes Civile si dhe AKSHIN.

Më herët Gjiknuri e Alibeaj, kanë zhvilluar një sërë seancash dëgjimore me grupet e interesit, shoqërinë civile që kërkon lista të hapura, por edhe me shoqatat e diasporës që kërkojnë që në 2025 të kenë mundësi që emigrantët të votojnë.

Edhe minoritetet i kërkuan Komisionit të Reformës Zgjedhore të garantojnë përfaqësim të drejtpërdrejtë të tyre në Kuvend, kërkesë kjo e përsëritur përmes një letre disa ditë më parë nga tre parti minoritare.

Ndërkohë PD zyrtare që bashkëkryeson Komisionin, e ka prej muajsh gati draftin e saj për 1 zonë zgjedhore, votën e diasporës e lista 100% të hapura, për të cilën do të duhet të bindë edhe PS-në që në kushtet kur ka deklaruar se është komode me këtë Kod Zgjedhor, nuk ka bërë propozime.

SI.E./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Lulja e kuqe e Krishtlindjeve, si të kujdeseni për ta pasur sa më gjatë në shtëpi

Lulja e kuqe e Krishtlindjeve, si të kujdeseni për ta pasur sa më gjatë në shtëpi

25 Dhjetor, 08:34