Do të rikonstruktohen nga e para 55 pallatet që ndodhen  në rrugën kryesore të Shkodrës. Nga hyrja e lagjes Xhabije deri në lagjen Rus që është dhe lagjja fundore do i nënshtrohen një rinkonstruksioni të thellë. Lajmin e ka bërë të ditur kryebashkiaku, Benet Beci i cili jep informacion edhe më të detajuar mbi zonat ku do të kryhen këto ndryshime.

Beci shkruan se projekti do të nisë shumë shpejt ndërsa fton edhe qytetarët të bashkëpunojnë ngushtë me bashkinë e Shkodrës.

Projekti u hartua gjatë muajve të verës si dhe u përgatit dokumentacioni i nevojshëm i projektit

 Ndërhyrje rigjeneruese në blloqet e banimit: Rikualifikim Urban i Bllokut "Europa"  dhe Bllokut Bulevardi "Zogu I”
• Rikualifikim Urban i Bllokut "Europa", 9 Pallate
• Rikualifikim Urban i Bllokut Bulevardi "Zogu I”, 46 Pallate. Përmes Fondi Shqiptar i Zhvillimit/ Albanian Development Fund  55 pallate do t'u nështrohen ndërhyrjeve të thella përmirësuese, në rrugët "Europa" dhe " Zogu I" si akse hyrëse e dalëse  në qytet.

Çfarë parashikojnë punimet?

Punimet që do të kryhen 100% me buxhetin e shtetit për një periudhë kohore 12 mujore  përfshijnë:

-Punime për sistemimin e tarracës, përfshirë të gjitha punimet për çmontimin e depozitave ekzistuese dhe hidroizolimin

- Punime për sistemimin dhe kullimin e ujërave të shiut

-Punime për veshjen e fasadës me sistem kapot, përfshirë katet përdhe dhe  xokolaturën me të gjitha punimet e nevojshme per suvatim, veshje me polisterol, kornizim dritaresh dhe bojatisje

-Punime për sistemimin e linjave ekzistuese të rrymave të dobëta dhe të ulëta ajrore në fasadë

-Punime për ndërtimin/rikonstruksionin e trotuarit perimetral dhe rikonstruksionin e shkallës hyrëse të pallatit

-Punime për realizimin e pikturave murale në fasada specifike të përfshira, të gjitha punimet për konceptimin, dizajnin dhe realizimin e murales

Për të ndihmuar në këto procese administratorët e lagjeve do të jenë në dispozicionin të qytetarëve.

Punë të mira kemi përpara; na shkoftë mbarë!”- shkruan Beci.

G.MO/S.G/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Arben: 27/09/2023 14:52

    Zoti te rujt o Zotni Shkodre, per familjen tane e per na

    Përgjigju
  • Shkreli: 26/09/2023 20:59

    Hallall qumeshti nenes Benet. Zoti bekofte Ramen qe si burr zotnie te ka gjet.

    Përgjigju
    • Robert: 27/09/2023 14:51

      Hallall e paste! Zoti i dhante fuqi per punet e mira!

  • gjergji: 26/09/2023 18:40

    Veruku se paku bani dicka ne Shkoder,Saluku asgje,vecse deshkodranizoj Shkodren plot 32 vite. Inshalla habere te mira nga ky pinjoll i familjes vjeter shkodrane.I shkofte mbare

    Përgjigju
  • Agim: 26/09/2023 17:23

    Ma nfund do buzqeshe shkodra. Pas 70 e ca viteve me partine e punes,kaq bajne 45+33=78????????????????????

    Përgjigju
  • Sondazhi i ditës: 17 Mars, 11:47

    Shqipëria shpall Iranin shtet sponsor të terrorizmit, si e vlerësoni?

Lajme të tjera