Diaspora letër Gjiknurit e Alibeajt: Të pakënaqur me Komisionin e Reformës Zgjedhoren, po injorohet vendimi i Kushtetueses për votën e emigrantëve

Ecja me hapa të ngadaltë e punës së Komisionit të Reformës Zgjedhore për votën e emigrantëve ka ngjallur pakënaqësi te diaspora.

Përmes një letre dërguar dy bashkëkryetarëve të Komisionit, Damian Gjiknurit dhe Enkelejd Alibeajt Shoqata e Diasporës thonë se po injorohet vendimi i Gjykatës Kushtetuese për të mundësuar votën e atyre që jetojnë e punojnë jashtë vendit.

“Zbatimi i vendimeve të Gjykatës Kushtetuese, në këtë rast mundësimi i ushtrimit të së drejtës kushtetuese për votim për diasporën është kriter i patejkalueshëm në procesin e integrimit të Shqipërisë në BE. Me këtë shkresë, ne kërkojmë mundësinë e një takimi gjithëpërfshirës të Komisionit të Posaçëm të Reformës Zgjedhore me përfaqësinë e organizatave tona. Ne besojmë se përfshirja jonë direkt do të jetë vendimtare për të siguruar një proces zgjedhor të ndershëm, transparent dhe të besueshëm për Diasporën shqiptare. Ne gjykojmë se procesi i realizimit të Votës së Diasporës është i ndërlikuar, shumëdimensional dhe nënkupton përfshirjen aktive jo vetëm të Diasporës, por dhe ekspertëve nga fushat e ndryshme, si dhe shumë aktorëve të tjerë institucionalë”, thuhet në letër.

Në mbledhjen e fundit të zhvilluar online në Komisionin e Reformës Zgjedhore, Gjiknuri e Alibeaj u dakordësuan për të dëgjuar përfaqësues të diasporës, por kjo do të ndodhë vetëm pasi të dëgjohen të gjithë aktorët politikë brenda vendit.

Vota e diasporës është kthyer në ping pong mes KQZ dhe Kuvendit. Teksa afatet ngushtohen mundësia e emigrantëve për të votuar bëhet gjithnjë e më e pamundur në zgjedhjet e 2025.

Sipas të dhënave, nëse diaspora shqiptare do të kishte të drejtën e votës në vend, ajo do e konkurronte, madje do e mundte edhe vullnetin e qytetarëve që punojnë e jetojnë këtu.  Në fund të vitit 2020, numri i shqiptarëve që jetonin nëpër botë sipas INSTAT, ishte 1,684,135, ndërkohë në votimet e zgjedhjeve parlamentare të vitit 2021, morën pjesë në votime 1,662,274 qytetar.

SI.E./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Iris: 14/02/2024 04:12

    /Fisnik/,e keni gabim.Ne kohen e mediave,rrjeteve sociale e internetit,i dime te gjitha dhe ne minute.Dhe nuk e ka braktisur askush vendin komplet.Kete mund t'a thuash per gjeneratat e lindur jashte,ose te larguar shume te vegjel,por jo per te tjeret.Pastaj kush po ju mban gjalle me remintanca?-Emigrantet,diaspora.Kush po sjell para (pavaresisht origjines se tyre) e po investon?-Emigracioni Kush perben nje pjese te mire te turisteve qe mbushin hotelet,restorantet,bregdetin?-Emigrantet e natyralizuar me shtetesi te botes.Por politikanet shqiptare po zvarrisin kemben e pertypin gjuhen e dridhen e perdridhen per kete ceshtje, sepse e dine qe eshte fundi i tyre politik e pushtetar po morren te drejten e votes emigrantet,se nuk i kontrollojne dot,nuk i kercenojne dot dhe as i blejne dot sic veprojne me shtetasit ne Shqiperi.Dhe po flet per athetarizem.Por atdhetarizmi me i madh shprehet me ane te votes.Vota eshte ajo, qe ne nje shtet qe pretendon te jete demokratik,drejton fatet e kombit,politikat dhe popullin,por ne Shqiperi me shume se gjysmes se popullsise i eshte mohuar e drejta e votes dhe keta jane emigracioni,diaspora dhe kjo eshte jo vetem nje shkelje e te drejtave te njeriut,por dhe nje shkelje kushtetute gjithashtu.

    Përgjigju
  • fisnik: 13/02/2024 16:24

    Shume shtete ne bote nuk e lejojne diasporen te votoi dhe ky eshte nje vendim i drejte sepse duke mos jetuar ne vendin tend nuk e nneh as personin qe do votosh dhe as hallet e popullit,kujt i djeg aq shume per vendin qe ka braktisur le te kthehet e te jetoi ketu.Ka plot emigrante qe kane shum vite pa ardhur ne vendlindje dhe nuk e kane haberin se cfar behet ketu po keshtu ka dhe nga ata qe kane punuar e jane shkolluar jashte jane kthyer plot sukses kan mare detyra dhe poste deri minister jane bere.....keta jane atdhetare.....

    Përgjigju
  • Sondazhi i ditës:

    Rithemelimi propozon rikthimin e koalicioneve të vjetra, a jeni dakord?



×

Lajmi i fundit

Ministri i Kosovës: Beogradi përgjegjës për tensionet mbi dinarin

Ministri i Kosovës: Beogradi përgjegjës për tensionet mbi dinarin