POP 5

Lajmet më të lexuara të 5 minutave të fundit

Kronikë

Shoqata e Punonjësve të Policisë:
Të shqetësuar për policinë dhe rendin

Shoqata e Punonjësve të Policisë në Lirim 2013 ka shprehur shqetësimin e saj për situatën e kriminalitetit dhe sigurisë në vend. Sipas deklaratës së shoqatës, Kryeministri dhe qeveria  kanë liruar nga puna punonjës të kualifikuar  të Policisë, duke cënuar kështu profesionalizmin e policisë dhe vetë sigurinë në vend.
 
TIRANE- Shoqata e Punonjësve të Policisë në Lirim 2013 ka shprehur shqetësimin e saj për situatën e kriminalitetit dhe sigurisë në vend. Sipas deklaratës së shoqatës, Kryeministri dhe qeveria e vendit kanë liruar nga puna punonjës të kualifikuar dhe të specializuar të Policisë duke cënuar kështu profesionalizmin dhe vetë sigurinë në vend.
 
“Në këtë situatë të rënduar të kriminalitetit, kryeministri Rama, në vend që të orientojë politikat ekzekutive të Ministrisë së Punëve të Brendshme dhe të Policisë së Shtetit për analizën realiste të situatës, vazhdon me akuzat e pabaza për punonjësit e policisë, të cilët janë liruar në mënyrë të paligjshmë nga Policia e Shtetit, që nga muaji shtator 2013.”- ka deklaruar në një komunikatë Shoqata e Punonjësve të Policisë në Lirim.
 
“Deklarojmë se që nga shtatori 2013 janë liruar dhe po lirohen nga Policia punonjës dhe drejtues policie me integritet dhe kapacitetet e duhura profesionale, me arsimin përkatës policor dhe arsimime të tjera të nevojshme për ushtrimin e detyrave dhe përgjegjësive në strukturat e Policisë së Shtetit. Janë liruar dhe vazhdojnë të lirohen ata që përfituan njohuri bashkëkohore në trajnimet dhe kurset më të mira që kanë ofruar Policia e Shtetit, Misioni PAMECA, Programi ICITAP, përfaqësia e OSBE-së, ambasadat e Shteteve të Bashkuara të Amerikës, Britanisë së Madhe, Gjermanisë, Austrisë etj., duke reflektuar përformancë dhe standarde të larta në punën e tyre.”- ka vazhduar në fjalën e saj zyra e shtypit të Shoqatës.
 
Shoqata e punonjësve të Policisë në Lirim ka deklaruar së fundmi se shpreson se Komisioni Hetimor Parlamentar për Lëvizjet në Policinë e Shtetit do të prodhojë konkluzione dhe rezultate objective, për zbardhjen e situatës së këtyre 6 muajve në strukturat e Policisë së Shtetit.

Redaksia Online
(ak/Shqiptarja.com)
 

/Shqiptarja.com
  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

Penguan qarkullimin e makinave gjatë tubimit para Bashkisë, procedohen penalisht 7 protestues! Policia: Vendosën një automjet në mes të rrugës

Penguan qarkullimin e makinave gjatë tubimit para Bashkisë, procedohen penalisht 7 protestues! Policia: Vendosën një automjet në mes të rrugës

11 Janar, 13:37