TIRANË - Organizatat e shoqërisë civile do të kenë të drejta të plota për të monitoruar, inspektuar dhe vizituar, ambientet ku mbahen të arrestuarit, të ndaluarit apo të shoqëruarit nga policia.

Ato kanë të drejtë të takohen dhe të komunikojnë me këta persona, për të verifkuar edhe nëpërmjet dokumentacionit përkatës, trajtimin dhe respektimin e të drejtave të tyre nga personeli policor dhe ai civil.

Kjo gjë u bë e mundur pas një marrëveshjeje të nënshkruar sot ndërmjet Policisë së Shtetit, Institutit Europian të Tiranës dhe Komitetit Shqiptar të Helsinkit.

Redaksia online
(ar.sh/shqiptarja.com)