Niko Brahimaj, u emërua këtë të shtunë drejtor i Policisë së Shkodrës në një situatë jo të zakontë në kryeqendrën e Veriut. Vetëm ditën e sotme dy vëllezër u vranë në një atentat mafioz në pragun e shtëpisë së tyre në lagjen “Guerile”. Mbi 10 të ekzekutuar në 8 muaj vetem në qytetin e Shkodrës, të vënë në qendër të vëmendjes kohët e fundit për disa grupe të fuqishme kriminale në fushën e drogës, prostitucionit, siç janë anëtarë të fisit Bajri, skema fajdesh e gjobvënësish, me dhjetëra të arrëstuar por sërish me krimin në rrugë që nuk rresht së shënuari viktima.
Niko Brahimaj, ka mbajtur poste të larta drejtuese në Policinë e Shtetit. Së fundmi ishte drejtor për Hetimin e Krimeve të Rënda në Drejtorinë e Përgjithshme të Policisë së Shtetit, ku nuk ka hezituar të shprehë hapur edhe në një takim të fundit kritikat për Policinë e Vlorës sa i përket luftës anti-kanabis. Ka mbajtur detyrën e drejtorit të Forcave Operacionale, që ka në varësi edhe forcat elitë të Policisë së Shtetit, RENEA-n.
Ai njihet edhe për ngjarjen e 20 Nëntorit të vitit 2000, ku një skuadër e drejtuar nga prej tij shoqëroi në polici Sali Berishën në atë kohë kryetar i opozitës së athershme, pas djegies së komisariatit të Tropojës. Niko Brahimaj mbante postin e nëndrejtorit të Policisë së Shtetit, në kohën kur në krye të saj qendronte Bilbil Mema. Në vitin 2005, pak muaj pasi Berisha erdhi në pushtet, Niko Brahimaj u transferua në Policinë e Tropojës. Në vitin 2013 Niko Brahimaj u rikthye ku drejtoi Policinë e Lezhës.
Të shumta detyrat e tij, por Shkodra duket se do të mbetet sfida më e madhe. Një qytet që duket se është kthyer në strehën e keqbërësve dhe që ndër vite ka “ngrënë” kokat e shumë drejtuesve të policisë. Atentati i dyfishtë ndaj vëllezërve Astrit dhe Brahim Bilali çoi në shkarkimin e kryepolicit të Shkodrës, Vehbi Bushati. Më herët në këtë qark ka qenë edhe Gjovalin Loka, drejtues që u duk se bëri goditje të forta në fushën e grupeve që merreshin me trafik droge, por nuk kaloi shumë dhe ai lëvizi në një detyrë të rëndësishme, sic është posti aktual i zëvendësdrejtorit të Policisë së Shtetit, krahu i djathtë i kryepolicit Ardi Veliu.
Policia e Shkodrës është drejtuar edhe nga Alban Çela, dhe drejtues të tjerë me emër, të cilët nuk kanë qëndruar më shumë se dy vite në këtë detyrë.
Edhe Ministri i Brendshëm, Sandër Lleshaj sot nga Shkodra ku mbërriti pas ngjarjes së rëndë, shprehu besimin, se si një ndër drejtuesit kryesorë të Policisë së Shtetit, Niko Brahimaj do të çojë drejt zgjidhjes së situatës së vështirë në Shkodër. Atentati i sotëm në qytetin e Shkodrës dyshohet se erdhi në valën e nje serie krimesh që bazën e kanë në një hakmarrje, luftë mes fiseve Lici dhe Bajri.
Djali dhe njëheresh nipi i dy vëllezërve të vrarë, Astmer Bilali është arrestuar si anëtar i bandës së Bajrave në Shkodër në kuadër të operacionit Oazi, ndërkohë që ka qenë i dyshuar për disa ngjarje në Shkodër.
Komente
Lajme të tjera
-
Gara për Drejtor të Drejtorive Vendore të Policisë! ja lista me 43 kandidatë (EMRAT)
30 Tetor, 14:33
-
Ekskluzive! Nëna e autorit të dyshuar: Do i jap jetën atij që më jep lajmin se ku janë, qoftë gjallë ose vdekur
8 Tetor 2020, 12:50 -
Masakruan me 21 plumba dy vëllezërit Bilali! Autori me dy ndihmësit në gjyq, si u bë plani i ekzekutimit dhe kush i spiunoi
18 Maj 2020, 16:24
-
Edhe tregjet në Shkodër me rregulla të reja të distancimit social, drejtori i Policisë inspektim në terren: Kjo luftë duhet fituar (VIDEO)
7 Prill 2020, 09:58 -
Incidentet për 30 Qershorin! Policia thërret punonjësit e bashkisë Shkodër, ish-deputeti i PD-së: Po bëhet presion!
8 Shkurt 2020, 19:54
Niko eshte polic ne kuptimin e mirefillet te fjales por ne Shkoder ka dy menyra per ta goditur krimin osé Duke è shkrire te dy komisariatet osé Duke krijuar nje grup task force qe te veproje I shkeputur nga policia e Shkodres. Sa per shoqerimin e Berishes ne 2000 ishte nje veprim I kordinuar me Ilir Meten te cilin PS qe atehere e akuzonte per bashkepunim me Berishes.
PërgjigjuO njerez jane arrestuar dhe denuar me burgim te perjetshem mafiozet me te medhenj te botes sicili palermo napoli,po te doje shteti keta te shkodres jane shume morra
PërgjigjuPo ti japim kohe drejtorit te ri, te shpresojme se do zgjidhi problemet ne sh, zor shume e ka
PërgjigjuNiko eshte per drejtor policie,lereni te beje detyren ashtu si di ai dhe pastaj flasim per rezultate.Niko eshte burre 400.
PërgjigjuPikerisht.jam i sigurt qe nuk do e lene.
Ti mendon se do e lere politika te punoje Niko Brahimin? Harroje!
Niko eshte speciallist i zoti.....
PërgjigjuNiko brahimi miku ngusht me ardjan capja mendojeni vet tani cfar eshte.