Shoqëroi Vincenso Pirolin në spitalin e Lezhës, zbardhet dëshmia e të afërmit të tij: Kishte lënë takim me një person, por erdhi i plagosur

Detaje të reja janë zbardhur lidhur me plagosjen e 34-vjeçarit Vinçens Piroli, i cili mendohet se kishte lënë takim me një person, i cili dhe e ka qëlluar 3 herë me pistoletë me silenciator.

Në dëshminë e të afërmit të Pirolit, Mark Nika, i cili e ka transportuar në Spitalin e Lezhës të plagosurin, tha se nuk e di se kush ka qëlluar ndaj tij apo për çfarë arsye. Nika dëshmon para bluve të Shkodrës se pasi e la 34-vjeçarin te ura e Bahçallekut, kishte pritur në makinë, ndërsa Piroli ishte futur në një rrugë dytësore për të takuar personin, por ishte kthyer i plagosur.

“Jemi nisur nga Lezha për në Shkodër, pasi Vinçensi më tha se do të takonte një person. Kemi mbërritur në Shkodër rreth orës 18:30. Në hyrje të urës së Bahçallekut që është edhe hyrja e Shkodrës Vinçensi ka zbritur nga makina dhe është futur në një rrugë dytësore. Aty kishte edhe një xhami. Unë e kam pritur në makinë. Papritur kur erdhi dikush e kishte plagosur. Unë nuk e di as se kush e ka plagosur dhe as arsyen sepse nuk më ka treguar. Pastaj e kam dërguar ashtu të plagosur tek spitali i Lezhës, sepse nuk donte ta çoja në Shkodër, për shkak se kishte frikë se mund t’i ndodhte ndonjë gjë. E kam çuar në spitalin e Lezhës dhe e kam lënë aty. Nuk e kam idenë se kë ka takuar dhe se kush e ka plagosur”, dëshmoi i afërmi i tij.

LEXO EDHE:
Me 3 armë në banesë, arrestohet 46-vjeçari në Shkodër! Pistoleta mbi shapkë, momenti kur policia i 'bastis' shtëpinë

Lajmi kryesor:

Plagosja tek 'Ura e Bunës'! U qëllua pas shpine me pistoletë me silenciator, 34-vjeçari: Erdha nga Shkodra në Spitalin e Lezhës, ndihesha më i sigurt! Policia s’gjen asnjë provë në vendngjarje

/AV/Shqiptarja.com

TAG:
• Shkoder
• plagosje me arme zjarri
• hakmarrje
• Vincens Piroli