POP 5

Lajmet më të lexuara të 5 minutave të fundit

Kronikë

Shoqëruesit e punonjësit të
SHISH, dhunojnë 2 efektiva policie

Dy persona të cilët kanë qenë pasagjerë në makinën e një punonjësi të SHISH kanë rënë në prangat e policisë mbrëmjen e djeshme në Peshkopi pasi kanë kundërshtuar me forcë 2 efektivët policie.
PESHKOPI - Dy persona të cilët kanë qenë pasagjerë në makinën e një punonjësi të SHISH kanë rënë në prangat e policisë mbrëmjen e djeshme në Peshkopi pasi kanë kundërshtuar me forcë 2 efektivët policie.

Iliaz Neli, 59 vjeç dhe Argjend Shehu, 29 vjeç, akuzohen se kanë goditur për shkak të detyrës dy punonjës të policisë së qarkullimit rrugor Sh.K dhe A.M.

Në përfundim të hetimeve është proceduar penalisht në gjendje të lirë, për ‘Drejtimi i mjetit në gjendje të dehur’ dhe punonjësi i Shërbimit Informativ Shtetëror, A.Neli, 39 vjeç.

Nga hetimet paraprake ka rezultuar se dy punonjësit e policisë së qarkullimit rrugor, gjatë kryerjes së shërbimit në rrugën Tercilio Kardinali, në qytetin e Peshkopisë, rreth orës 21.00, kanë konstatuar një automjet tip Mercedes Benz, i cili po udhëtonte në krahun e kundër të lëvizjes në këtë rrugë me një korsi kalimi.

Me konstatimin e faktit, punonjësit e policisë kanë kryer veprimet për ndalimin e mjetit, që drejtohej 39-vjeçari Neli, lindur në Peshkopi dhe banues në Tiranë, i cili është prezantuar si punonjës i Shërbimit Informativ Shtetëror.

Ndërkohë që punonjësit e policisë po kryenin procedurat standarde të konstatimit të kundravajtjes rrugore, Iliaz Neli dhe Argjend Shehu kanë dalë nga automjeti dhe kanë goditur me grushte punonjësit e policisë rrugore Sh.K dhe A.M.
 
Nga ana e strukturave të Drejtorisë së Polisë së Qarkut Dibër menjëherë është bërë i mundur kapja dhe shoqërimi i autorëve të ngjarjes, Iliaz Neli dhe Argjend Shehu, ndaj të cilëve, pas kryerjes së veprimeve hetimore, u mor masa e arrestit në flagrancë për kryerje të veprës penale “Kundërshtim i punonjesit të policisë” dhe “Goditje për shkak të detyrës” të kryera keto në bashkepunim, parashikuar nga nenet 137, 236 e 25 te Kodit Penal.

Po nga veprimet hetimore paraprake ka rezultuar se drejtuesi i mjetit, A.Neli i cili është edhe punonjës i SHISH nuk është përfshirë në konflikt dhe se pas ngjarjes është paraqitur vetë në polici.
 
Lidhur me këtë ngjarje policia bën të ditur se është njoftuar edhe Shërbimi Informativ Shtetëror.
 
Redaksia Online
(a.h/shqiptarja.com)

/Shqiptarja.com
  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

Frrok Çupi: Pse Sali Berisha u vjen rrotull burgjeve?

Frrok Çupi: Pse Sali Berisha u vjen rrotull burgjeve?

11 Janar, 15:42 nga Frrok Çupi