Shorti, flasin Duka, De Biasi, Meha
Berisha, Balaj, Cikalleshi dhe Hysaj

Pas hedhjes së shortit në Kampionatin Europian të Francës kanë reaguar presidenti Duka, trajneri De Biasi, por edhe lojtarët e tjerë duke dhënë përshtypjet për kundërshtarët që do të kemi përballë në Francë 2016.

Armand Duka: Vetëm Franca e ka vendin e sigurt në grup, për vendin e dytë gara është e hapur.
 
Gianni de Biasi: Kemi një skuadër të re, shpresojmë që të bëjmë gjëra interesante. Do të japim maksimumin, nuk kemi asgjë për të humbur. Do të japim gjithçka në fushë.
 
Etrit Berisha: Mendoj që me ekipin që kemi, ne kemi shanse të mira edhe pse normalisht do të jetë vështirë, por mendoj që mund t'ia dalim.
 
Elseid Hysaj: Do ta mbyllim të parët ose të dytët. Me shqiptarët e Zvicrës jemi shokë, por do të japim gjithçka në fushë. Do të jetë një takim shumë i fortë.
 
Bekim Balaj: Mund të them që është një short i mirë për Shqipërinë, që na mbush me optimizëm se mund të bëjmë diçka të madhe, do të marrim dy barazime dhe një fitore
  
Sokol Cikalleshi: Ndeshjen e parë e kemi me Zvicrën dhe besoj që kemi fuqi për një fitore. Francës nuk i frikësohemi, Rumania duhet vlerësuar.
 
Shkëlzen Gashi: Mezi po e presim Evropianin dhe sidomos ndeshjen e parë.
 
Alban Meha: Me tifozë Kuq e Zi do të luajmë çdo ndeshje si në shtëpi. S'ka asgjë të pamundur! na priftë e mbara. 

Ragip Xhaka: Nuk kam pasur dëshirë që Zvicra të luaj kundër Shqipërisë, e as Taulanti kundër Granitit. Jam paksa i nervozuar me këtë short, por ja që ndodhi. Kisha pasur dëshirë që edhe Graniti edhe Taulanti të kualifikohen në Euro 2016.

Deschamps: Shqipërinë e njohim, dimë kualitetet e tyre. Zvicrën e njohim nga botërorët, ndërsa Rumania meriton respekt. Ne gjithsesi do t’i shikojmë ndeshjet e dy viteve të fundit të kundërshtarëve tanë.

Noel Le Graet: Është grup i vështirë. Nuk ka më ekipe të vogla. Shqipëria është një kundërshtar i fortë që ne ende nuk e kemi mposhtur. Morëm një barazim me të në shtëpi dhe një humbje atje. Duhet të përqendrohemi që të mos përsërisim gabimet.

Valon Behrami: Nuk mund të besoj se do të luajë përballë Kombëtares në Euro 2016.

Vladimir Petkovic: Jam i kënaqur me shortin sepse kemi rënë me skuadra brenda mundësive tona. Franca është favorit i grupit dhe i gjithë kampionatit. Shqipëria do jetë një derbi i vogël. Do jetë një ndeshje interesante.

Taulant Xhaka: “Franca 2016’ kundër vëllait tim, Xhaka.

d.b/shqiptarja.com