POP 5

Lajmet më të lexuara të 5 minutave të fundit

Sport

Shorti i Ligës së Kombeve/ Shqipëria ‘peshkon’ Rusinë, por eviton përballjen me serbët

Sezonin e ri të Ligës së Kombeve Shqipëria për herë të parë do të jetë në Ligën B.

Shqipëria ka mësuar kundërshtarët për sezonin e ri në Ligën e Kombeve ku për herë të parë mori pjesë në Ligën B. Kuqezinjtë e Edi Rejës janë shortuar në grupin 2 ku përballë do kenë si rival Islandën, Rusinë dhe Izrealin. Një short që nuk mund të konsiderohet me fat, por i përballueshëm për Kombëtaren, që do të synojë të renditet e para për të shkuar në ‘play-off-et’ e Europianit.

“Shorti ishte i kënaqshëm nuk u tregua negativ me ekipin tonë. Nga skuadrat që kishim në grupin B ishin skuadrat e dëshiruara. Mund të bëjmë rezultat pozitiv dhe në të shkuarën e kemi treguar se kemi bërë rezultat pozitiv,”-u shpreh Armand Duka, president i FSHF-së.

Ndërkohë Kosova do të jetë në Ligën C grupi i 2 ku goglat e vendosën përballë Irlandës së Veriut, Greqisë, Qipros ose Estonisë. Sakaq grupi më i fortë do jetë në Ligën A. Italia kampione e Europës është shortuar në grupin 3 sëbashku me Gjermaninë, Anglinë dhe Hungarinë.

Liga A

Liga B

Liga C

Liga D

Rendit zhvillimet sipas orarit:
Ora 19:49
‘Nuk doja vetëm Serbinë’, Reja zbulon prapaskenat me Brojën: S’ka sjellje pozitive

Trajneri i kombëtares thotë se e pret krahapur shortin e Ligës së Kombeve ku do të përballemi me kundërshtarë si Islanda, Rusia dhe Izraeli.

“Ajo që më interesonte më shumë ishte largimi i Serbisë nga grupi, gjithashtu nuk doja edhe Norvegjinë. Nuk është keq si grup. Rusia ka humbur ndaj Kroacisë, por është një ekip i fortë. Për ne do të jetë një test i rëndësishëm për të treguar nëse e meritojmë këtë kategori dhe nëse jemi rritur. Këto transferta do të jenë shumë të gjata në rrugëtim nga Rusia në Israel dhe Islandë, do të jetë problem për organizimin e udhëtimeve. Dua të kem vetëm gjendjen më të mirë të lojtarëve. Broja ka shumë potencial të madh, unë kam kritikuar sjelljen e Brojës që duhen përmirësuar, asnjëherë nuk kam vendosur në dyshim aftësitë e tij. E pres krahëhapur Brojën dhe të gjithë lojtarët e tjerë. Vetëm se futbollistët duhet të japin gjithçka edhe kur nuk janë me topin në zotërim”, tha Reja për RTSH.

Më pas trajneri i kombëtares komentoi edhe përplasjet e raportuara me Brojën muajt e fundit: “Broja nuk ka pasur sjellje shumë pozitive së fundmi, për dëmtime apo për mënyrën e sjelljes. Ai është një djalë që ka potencial, por flitet shumë për të. Mua nuk më pëlqen të flas individualisht, flas për Shqipërinë e për të gjithë, nuk ka një lojtar më të fortë. Kemi bërë rezultate për meritë të skuadrës.

Për potencial mund të jetë shumë i vlefshëm por duhet të përmirësohet shumë në sjellje. Unë i pres të gjithë, i kam krahët e hapur dhe i përqafoj të gjithë, nuk përjashtoj asnjë/ Por sjelljen dhe punën për ekipin duhet ta bëjnë të gjithë. Ka dy faza, kur ke apo jo topin, unë dua lojtarë që interpretojnë njëlloj të dy fazat dhe lojtarët e dinë mentalitetin tim. Kush nuk punon për ekipin nuk mund të bëhet pjesë e këtij grupi.”

Ne.k./Shqiptarja.com

Ne.k./KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Presidenti Zelensky: Kemi çdo shans për t'i dhënë fund luftës vitin e ardhshëm

Presidenti Zelensky: Kemi çdo shans për t'i dhënë fund luftës vitin e ardhshëm

24 Nëntor, 08:24