Nënstacioni që do të ndërtohet në funksion Aeroportit të Vlorës dhe rritjes së kapaciteteve energjetike në Jug pritet të kushtojnë rreth 4.1 milionë euro.
Drejtoria e Tensionit të Lartë OSSH sh.a, pjesë e OSHEE Group, njoftoi se tashmë është shpallur fituesi për kontratën Ndërtimi i N/Stacionit të ri Akërni 110/35/20 kV dhe zhvillimi i linjës 35 kV Akërni-Aeroporti i Vlorës me një fond limit 426 milionë lekë pa TVSH dhe me një ofertë fituese 411 milionë lekë apo rreth 4.1 milionë euro.
Oferta e përzgjedhur si fituese i përket kompania 4AM.
Sipas dokumenteve, projekti ka të bëjë me ndërtimin dhe vënien në punë të plotë të N.Stacionit elektrik të ri 110/35/20 kV dhe fuqi 1×20/25MVA ONAN/ONAF në Akërni të Vlorës, duke u realizuar me hapësirat e nevojshme dhe të mjaftueshme për t’u fuqizuar në një fazë perspektive edhe traktet e linjave 110kV sipas standardeve të OST, si dhe ndërtimin e linje të veçantë kabllore 35kV, 1x185mm2 për furnizimin e Aeroportit te ri Vlorë nga N.Stacioni i ri Akërni në Aeroport.
Furnizimi me linjë alternative për Aeroportin
Në dokumente OSSH argumenton se ngarkesa që ka zona e Jugut gjatë verës dhe investimi në Aeroport parashtron nevojën për një linjë alternative në funksion të sigurisë.
“Duke parë gjendjen aktuale të rrjetit TM 35kV në zonën bregdetare që furnizon N.Stacionet midis Rajonit Akërni – Aeroport, Vlorë – Vlorë dhe problematikat me furnizimin me energji elektrike në periudhat e ngarkuara të stinës së verës, sidomos në N.Stacionin Kafaraj i cili është nyja kryesore e furnizimit të këtyre N.Stacioneve 35kV si ai i Mifolit, Povelçës, Hoxharës, dhe nga domosdoshmëria që lind për sigurinë e funizimit të Aeroportit të ri Akërni – Vlorë, nga dy burime të pavarura, është menduar ndërtimi i një N.Stacioni te ri 110/35/20kV, 1 x 20/25MVA, në mënyrë që duke u lidhur në linjen 110kV Akërni – Aeroport, Vlorë 220kV TEC – N.Stacioni Vlora 1, mund të furnizoje dhe të sigurojë me energji elektrike me standarde dhe parametra teknik gjithë zonën bregdetare” thuhet në dokument.
Aeroporti i Vlorës
Pak ditë më parë, zëvendëskryeministrja, njëherësh ministër i Infrastrukturës dhe Energjisë, Belinda Balluku gjatë inspektimit të punimeve në Aeroportin e Vlorës tha se deri më tani janë realizuar më shumë se 40% e punimeve fizike.
Aeroporti pritet që të përfundojë brenda 31 dhjetorit 2024 ndërkohë që do të ketë fazat e tij të testimit. Aeroporti ndërkombëtar i Vlorës do të jetë i kategorisë 4E, me një pistë me gjatësi prej 3.2 kilometrash duke mundësuar edhe fluturimet transoqeanike.
Në fillim të vitit 2021 qeveria shpalli fituesin për koncesionin e Aeroportit të Vlorës me një ofertë investimi 103 milionë euro ku bënin pjesë dy kompani Mabco Constructions SA e investitorit Behgjet Pacolli dhe ortaku turk YDA Insaat Sanayi ve Ticaret.
Në dhjetor të 2022-it Mabco mori kontrollin e plotë të aksioneve. Qeveria ka aplikuar për këtë projekt garantimin e trafikut të munguar. Në total të ardhurat e garantuara duhet te jenë rreth 138 milionë euro. Kontrata parashikon që aeroporti të përfundojë në vitin 2024 dhe të nisë operimin në vitin 2025./Monitor
Lajme të tjera
-
Konventa e Bernës thirrje qeverisë shqiptare: Ndalni ndërtimin e Aeroportit të Vlorës, rrezikohet biodiversiteti në Lagunën e Nartës
10 Dhjetor, 17:05 -
Fatos Çoçoli: Pse është dyfishuar vlera e pronave në Akërni?
9 Dhjetor, 09:18
-
OSHEE padit për shpifje Gazment Bardhin, çështja në GJKKO! Seanca mbyllet pa ‘pajtim’
5 Dhjetor, 14:12
-
Media amerikane ‘Travel off Path’: Vlora, qyteti bregdetar i mbushur me brigje mahnitëse dhe vendpushime të qeta
4 Dhjetor, 08:29 -
Vlorë, rritet vlera e tokave pranë aeroportit të ri ndërkombëtar, hapet verën e ardhshme! Agjenti imobiliar: Biznesmenët kërkojnë të investojnë
1 Dhjetor, 16:03
-
Moti i keq/ Korça dhe veriu i vendit nën ‘pushtetin’ e borës, trashësia deri në 60 cm! Mijëra banorë pa energji, s'ka probleme me qarkullimin (VIDEO)
1 Dhjetor, 09:48 -
Financim nga shteti për familjet që instalojnë sistemet e ngrohjes dhe ftohjes në banesa! Miratohen 4 skema për panelet, pompat, kaldajat e ngrohjen qendrore
28 Nëntor, 17:37
-
Vlorë/ Rama inspekton punimet në Qendrën Multifunksionale dhe Aeroportin e ri: Ambicie të mikpresim ajkën e inovacionit! Punë ditë-natë, natë-ditë
28 Nëntor, 15:00 -
Moti i keq/ Disa fshatra në Vaun e Dejës pa energji elektrike! Rrëshqitje dherash në rrugët e Fushë-Arrëzit
22 Nëntor, 12:28 -
Stuhi në gjithë vendin/ Mijëra banorë pa drita! Anulohen lundrimet Durrës-Bari! Mbyllet spitali i Pukës, uji hyn në pavijone! Dukagjini në izolim (VIDEO)
22 Nëntor, 10:11 -
Moti i keq/ Rrebeshet dëmtojnë çatinë e spitalit në Pukë, jashtë funksionit 2 pavijone! Pacientët evakuohen gjatë natës (VIDEO)
21 Nëntor, 07:59 -
Moti i keq në Pukë, rrebeshi lë shumë zona pa energji dhe kabuj të tensionit të këputur në rrugë! OSHEE në terren për të riparuar defektet, këshillohen udhëtarë dhe banorë (VIDEO)
20 Nëntor, 22:24
