Shpërndante drogë në ambiente me muzikë, dënohet me 5 vite e 4 muaj burg ish-efektivi i 'Shqiponjave' në Sarandë

Lavdosh Metaj, 39-vjeçari, ish-efektiv i forcave “Shqiponja” të Sarandës është dënuar me 5.4 vjet burg nga Gjykata e Sarandës për veprën penale të "Prodhim dhe shitje narkotikësh”.

Vendimi është dhënë pak ditë më parë nga gjyqtarja Suela Xhani, e cila ka dhënë vendim për dënimin e tij me 8 vjet heqje lire, por në aplikim të gjykimit të shkurtuar i është ulur 1/3 e dënimit duke u dënuar përfundimisht me 5.4 vite burg.

Metaj u arrestua më 12 qershor të një viti më parë nga Policia e Sarandës, pas një survejimi disa mujor  për veprën penale trafikim i lëndëve narkotike. Shërbimi për Çështjet e Brendshme dhe Ankesat, bën me dije se gjatë hetimit disa mujor ka rezultuar që efektivi shpërndante drogë në ambiente të populluara argëtimi me muzikë.

Gjatë kontrollit, 39-vjeçarit iu gjetur me vete 11 doza kokainë, ndërsa në shtëpi iu gjet dhe sekuestrua një sasi prej 165 grame lëndë e dyshuar si narkotike. Këtë veprimtari të kundraligjshme, sipas SHÇBA efektivi e kryente gjatë kohës së shërbimit dhe jashtë saj.  Në rrjetin social të efektivit shfaqej se bënte një jetë luksoze mes brandeve të veshjeve dhe jetës së luksit.

 

S.C/Shqiptarja.com

TAG:
• lavdosh metaj
• Vlore
• lende narkotike
• trafik droge
• sarande
• Suela Xhani