VIDEO/ Shpërthen në flakë depoja e karburantit pranë urës në Krime

Një depo karburanti mori flakë gjatë natës në fshatin rus Volna, pranë urës në gadishullin e aneksuar të Krimesë.

“Një rezervuar me naftë mori flakë në fshatin Volna në rrethin Temryuksky," tha guvernatori i Krasnodarit Krai Veniamin Kondratyev në Telegram, pa përmendur shkakun e aksidentit.

“Sipas informacioneve fillestare, nuk ka të vdekur apo të lënduar”, shtoi ai. “Po bëhet gjithçka që zjarri të mos përhapet më tej”.

LEXO EDHE:
Vuçiç: Perëndimi po përgatitet për konflikt direkt me Federatën Ruse

Volna shtrihet në fund të urës së ngushticës Kerç, e cila lidh Rusinë me gadishullin e Krimesë të aneksuar nga Moska në 2014. Tetorin e kaluar, ura u dëmtua nga një kamion bombë, në një sulm që Moska fajësoi Ukrainën, megjithëse Kievi e ka mohuar sulmin infrastrukturën.

Agjencia Ria Novosti bën të ditur se sipërfaqja e zjarrit ka arritur në 1200 metra katrorë. Në shuarjen e zjarrit janë përfshirë 23 njësi të mjeteve zjarrfikëse dhe 85 persona.

Lajmi kryesor:

Lufta/ 21 persona të vrarë nga bombardimet ruse në Kherson! Dy dronë sulmojnë Kremlinin! Zelensky: Nuk e kemi kryer ne! Moska Do të ketë hakmarrje

SI.E./Shqiptarja.com

TAG:
• Volodymyr Zelensky
• Rusi
• rusia sulmon ukrainen
• lufta ne ukraine