Shpërthen një depo armësh në Rusi, tre ushtarë të vrarë

Rajoni rus i Belgorodit, ngjitur me kufirin me Ukrainën, është goditur nga një ngjarje e rëndë, pasi një depo me municione e armatime ka shpërthyer si pasojë e moszbatimit të protokollit për mbajtjen e granatave, duke lënë të vdekur tre ushtarë rusë dhe duke plagosur 16 të tjerë.

Ngjarja ka ndodhur në një qendër kulturore, e cila pas agresionit rus në Ukrainë, ishte projektuar për të shërbyer si depo për armatimet e ushtarëve rusë. Kjo, duke parë edhe afërsinë që rajoni i Belgorodit ka me Ukrainën, duke qenë shumë pranë kufirit.

Nga ana tjetër, ka qenë agjencia ruse e lajmeve, Interfax, ajo e cila ka bërë me dije se janë edhe tetë ushtarë të tjerë rusë, të cilët nuk janë gjendur ende pas shpërthimit dhe kërkimi për ta vijon. Gjë, që lë hapësirë për të menduar se numri i fataliteteve mund të shtohet.

Lajmi kryesor:

Lufta në Ukrainë/ Bombardime ruse në qytetin Dnipro, shkatërrohet pallati, 30 viktima dhe 73 të plagosur! NATO: Kievi së shpejti mund të presë një dërgesë të madhe të armëve të rënda

M.Q./Shqiptarja.com

TAG:
• rusia sulmon ukrainen
• Volodymyr Zelensky